Numbeo портали 2021 йилги жаҳон мамлакатларидаги жиноятчилик даражаси индексини эълон қилди. Унга кўра, Ўзбекистон хавфсизлик даражаси бўйича 2020 йилга нисбатан 14 поғона пастлаб, 40-ўринни эгаллади.
Crime Index — жиноятлар индекси, Safety Index — хавфсизлик индекси. Умумий 100 балл ҳар икки ҳолат даражасига қараб тақсимланади. Баллар Жиноятлар индексида қанча паст ва аксинча, хавфсизлик индексида қанча юқори бўлса, шунча яхши.
Ушбу рейтингда Ўзбекистоннинг жиноятчилик индекси 34,70 балл, хавфсизли кўрсаткичи эса 65,30 баллни ташкил қилди. Жиноятчилик даражаси бўйича республика жаҳонда 96, Осиёда 25, Марказий Осиёда эса 3-ўринни эгаллади.
Numbeo маълумотларига кўра, рейтингда Ўзбекистон хавфсизлик борасида Литва ва Кувайтдан ортда, Венгрия ва Германиядан олдинда.
Жиноятчилик юқори бўлган давлатлар бешталигига Венесуэла (84,25), Папуа-Янги Гвинея (80,24), ЖАР (77,07), Афғонистан (76,37) ва Гондурас (74,78) кирган.
Жиноятчилик даражасининг энг паст кўрсаткичларига эга энг хавфсиз давлатлар бешталигидан эса Қатар (12,29), Тайвань (15,24), БАА (15,35), Уммон (20,26) ва Мэн ороллари (20,79) жой олган.
Изоҳ (0)