Numbeo portali 2021-yilgi jahon mamlakatlaridagi jinoyatchilik darajasi indeksini e’lon qildi. Unga ko‘ra, O‘zbekiston xavfsizlik darajasi bo‘yicha 2020-yilga nisbatan 14 pog‘ona pastlab, 40-o‘rinni egalladi.
Crime Index — jinoyatlar indeksi, Safety Index — xavfsizlik indeksi. Umumiy 100 ball har ikki holat darajasiga qarab taqsimlanadi. Ballar Jinoyatlar indeksida qancha past va aksincha, xavfsizlik indeksida qancha yuqori bo‘lsa, shuncha yaxshi.
Ushbu reytingda O‘zbekistonning jinoyatchilik indeksi 34,70 ball, xavfsizli ko‘rsatkichi esa 65,30 ballni tashkil qildi. Jinoyatchilik darajasi bo‘yicha respublika jahonda 96, Osiyoda 25, Markaziy Osiyoda esa 3-o‘rinni egalladi.
Numbeo ma’lumotlariga ko‘ra, reytingda O‘zbekiston xavfsizlik borasida Litva va Kuvaytdan ortda, Vengriya va Germaniyadan oldinda.
Jinoyatchilik yuqori bo‘lgan davlatlar beshtaligiga Venesuela (84,25), Papua-Yangi Gvineya (80,24), JAR (77,07), Afg‘onistan (76,37) va Gonduras (74,78) kirgan.
Jinoyatchilik darajasining eng past ko‘rsatkichlariga ega eng xavfsiz davlatlar beshtaligidan esa Qatar (12,29), Tayvan (15,24), BAA (15,35), Ummon (20,26) va Men orollari (20,79) joy olgan.
Izoh (0)