Ҳунсбузарлар фақат косметик муаммо эмас. Агар улар баданда пайдо бўлса, бу бирор номутаносибликнинг белгисидир. Бундай вақтда тана ёрдамга муҳтож бўлади. Юзда пайдо бўлувчи ҳуснбузарлар ҳақида кўп тавсиялар берилган, аммо бадандагилари нимани англатиши ҳақида билиб олиш зарур. Энг муҳими, уларга қандай чора кўришни билиш керак.
Нега баданда ҳуснбузар пайдо бўлади?
Ушбу муаммо икки хил сабаб туфайли юзага келиши мумкин: ташқи ва ички. Ташқи томондан кўпинча гигиена талабларининг бузилиши, шунингдек, сифатсиз кийимлар ёки ёмон экология туфайли юзага келади. Ички сабаблар эса одатда эндокрин тизимнинг бузилиши, дори-дармонлар қабул қилишнинг ножўя таъсири, стресс ва овқатланишнинг бузилиши билан боғлиқ.
Ташқи сабаблар:
- Гигиена. Гигиена билан боғлиқ муаммолар энг кенг тарқалган сабаблардан биридир. Елка соҳасида ёғ безлари кўп бўлиб, бактериялар шу туфайли фаол бўлади ва ҳуснбузарларни келтириб чиқаради. Агар ушбу ҳудуд кераклича ювилмаса ёки аксинча, жуда кўп ювилганда ҳам бактериялар ортиши кузатилади;
- Сифатсиз кийим. Синтетик кийим жуда қаттиқ терлашни келтириб чиқаради. Натижада бактериялар туфайли ҳуснбузарлар тошиши кузатилади;
- Узун сочларни нотўғри парвариш қилиш. Тез-тез ювилмаган узун сочлар ҳам бел ва елка соҳасида ҳуснбузарлар тошишига олиб келади. Аммо сочларни меъёридан ортиқ ювиш ҳам худди шу ҳолатни пайдо қилади. Сочлар ювилиши натижасида тоза бўлмаган сув ва шампунь елка қисмдан оқиб ўтади ва тери тешикчаларини ёпиб қўяди. Натижада тошмалар пайдо бўлишига олиб келади;
- Нотўғри бўяниш. Тўғри келмаган косметик воситалар юз териси каби танага ҳам зарарли бўлиши мумкин. Баданда ҳуснбузарлар пайдо бўлса, косметик воситаларни алмаштириш тавсия этилади.
- Ирсият. Агар ирсиятда бу каби муаммо бўлса, баданда ҳуснбузар пайдо бўлишининг эҳтимоли катта;
- Озиқланиш. Ҳуснбузарнинг энг кенг тарқалган сабабларидан бири зарарли рациондир. Ёғли овқат, оддий углевод ва шакар миқдори юқори бўлган озиқ-овқатлар ҳуснбузарни келтириб чиқариши мумкин;
- Стресс. Кучли ҳиссий стресс эндокрин тизимга таъсир қилиши мумкин, бу эса ўз навбатида ҳуснбузарлар тошишига олиб келади;
- Ички орган касалликлари. Парҳез, жигар, пешоб чиқариш, овқат ҳазм қилиш тизими, эндокрин тизимидаги бузилишлар – буларнинг ҳаммаси баданда ҳуснбузар тошишини келтириб чиқаради. Шунинг учун ҳуснбузарлар бир ойдан ортиқ безовта қилса, албатта, шифокор билан маслаҳатлашиш зарур;
- Гормонал мувозанат. Шу сабабли балоғат ёшидаги ўспиринларда тез-тез кузатилади. Шунингдек, гормонал ўзгаришлар туфайли аёлларда ҳам кўп учрайди.
Агар баданда ҳуснбузар пайдо бўлса, уй шароитида ҳам даволаниш чораларини кўриш мумкин.
- Душ қабул қилиш. Ҳамиша жисмоний фаолиятдан сўнг ёки кечаси ухлашдан аввал антибактериал нам салфеткалардан фойдаланиш мумкин;
- Гигиена воситалари. Дерматологлар ҳар куни ёки мунтазам равишда совун ёки гигиена воситаларидан фойдаланишни маслаҳат бермайди. Аммо агар ҳуснбузарлар пайдо бўлган бўлса, вақтинча улардан фойдаланиш мумкин;
- Узун сочлар. Узун сочларни қисқартириш ёки юқорига турмак қилиш тавсия этилади. Ёйилган узун сочлар елкада ёғли соҳа билан алоқада бўлиши мумкин. Шу туфайли қисқа сочлар улар орасида боғлиқликни минималлаштиради;
- Табиий матолар. Баданда ҳуснбузарлар кўпайса, табиий матоли кийимларнинг кенгроқларини кийиш керак. Бунда терлашнинг олдини олиш орқали ҳуснбузарларни камайтириш мумкин;
- Рацион. Енгил углеводлар, шакар, қовурилган овқатларни рациондан чиқариш зарур. Шунингдек, фастфуд таомлари ва газли ичимликлар истеъмолини ҳам камайтириш керак.
Изоҳ (0)