Шавкат Мирзиёев 15 январь, жума куни Тошкентда янги очилган заргарлик корхонасини бориб кўрди.
Давлат раҳбари 2019 йил 8 май куни ўтказилган йиғилишда заргарликни чинакам саноат даражасига олиб чиқиш вазифасини қўйган эди. Кўп ўтмай, ўша йили 18 майда Президентнинг «Ўзбекистон Республикасида заргарлик тармоғини жадал ривожлантириш чора-тадбирлари тўғрисида»ги фармони қабул қилинди. Унга мувофиқ, соҳага чет эл инвестицияларини фаол жалб этиш, рақобатбардош ва сифатли заргарлик буюмларини тайёрлашда маҳаллий ишлаб чиқарувчиларни ҳар томонлама қўллаб-қувватлаш учун қулай шарт-шароитлар яратилди.
Пойтахтнинг Чилонзор туманида ишга туширилган Gold Moon Tashkent масъулияти чекланган жамият ана шу имкониятлар натижаларидан бири. Шавкат Мирзиёев ушбу корхона фаолияти билан танишди.
Собиқ Fonon илмий-ишлаб чиқариш корхонаси негизида очилган ушбу ширкат маҳсулотлари замонавийлиги, сифати ва нафислиги билан ажралиб туради. Бугунги кунда уларнинг харидори кўпайиб, импорт ўрнини босмоқда. Шунингдек, завод биносида савдо дўкони ташкил этилган. Маҳсулотларнинг 15 фоизини Россия, Қозоғистон, Тожикистон, Қирғизистон, Афғонистон ва бошқа давлатларга экспорт қилиш режалаштирилган.
«Дарё» фотомухбири ушбу корхона фаолияти ва Президент ташрифининг эътиборга молик лаҳзаларини кадрларга муҳрлади.
Изоҳ (0)