Фарғонада Damas ва MAN юк машинаси тўқнашиб кетди, дея хабар қилмоқда вилоят ЙҲХБ.
Маълум қилинишича, 12 январь куни фуқаро Ж.П. Damas русумли автомашинасини Ўзбекистон тумани Дахана-Қақир қишлоғи ҳудудида бошқариб кетаётиб, қарама-қарши йўналишда ҳаракатланиб келаётган М.З. бошқарувидаги MAN русумли юк автомашинаси билан тўқнашган.
ЙТҲ оқибатида Damas ҳайдовчиси тан жароҳати олиб, ҳодиса жойида вафот этган.
Мазкур ҳолат юзасидан Ўзбекистон тумани ИИБ ҳузуридаги тергов бўлими томонидан Жиноят кодексининг 266-моддаси 2-қисми (одам ўлимига сабаб бўлган транспорт воситасини бошқариш қоидаларини бузиш) билан жиноят иши қўзғатилиб, тергов ҳаракатлари олиб борилмоқда.
Аввалроқ Фарғонада Тicо йўлни кесиб ўтаётган пиёдани уриб юборгани, Навоийда Matiz ағдарилиб кетиши оқибатида йўловчи вафот этгани ҳамда Наманганда Nexia ва Cobalt тўқнашуви оқибатида ҳайдовчиларнинг бири вафот этгани ҳақида хабар берилганди.
Изоҳ (0)