«Спартак» собиқ бош директори Шамил Газизов ўзбекистонлик ярим ҳимоячи Остон Ўруновнинг трансферидан пул ишлаб олиши мумкин.
«Чемпионат»нинг хабар қилишича, шартномага кўра, Ўруновнинг трансфер қиймати 1 миллион евродан ортадиган бўлса, Газизов ортиқча миқдорнинг 50 фоизига эгалик қилади. Мисол учун, «Спартак» Ўруновни 2 миллион еврога сотадиган бўлса, Газизов 500 минг еврога эга бўлади.
Аввалроқ «Спартак» 20 ёшли футболчини сотиб юбориш ниятида экани, бироқ унга харидор йўқлиги ҳақида хабар қилинганди. Айрим хабарларга кўра Ўрунов собиқ жамоаси «Уфа»га қайтиши мумкин.
Ўрунов 2020/21 йилги мавсум «Спартак» сафида Россия чемпионатининг 8 та ўйинида майдонга тушиб, бирорта ҳам самарали ҳаракат амалга ошира олмади.
Ўрунов 2020 йилнинг январида «Уфа» футболчисига айланганди ва 2019/20 йилги мавсумда Россия Премьер Лигасида 10 ўйинда майдонга тушиб, 2 та сариқ карточка олди. Остон ёзги трансфер ойнасида «Уфа»дан 1 миллион евро эвазига пойтахт клубига ўтди.
Эслатиб ўтамиз, «Уфа» ва «Спартак» клублари собиқ директори Шамил Газизов Остоннинг ҳар икки трансферини амалга оширишда бош бўлган.
Мавзуга доир:
- «Спартак» Шамил Газизовни ишдан бўшатди. Айнан у Остон Ўруновни Москва клубига олиб келганди
- Остон Ўрунов: «Биргина сурат бу қадар муҳокамаларга сабаб бўлади деб ўйламагандим»
- «Уфа» Остон Ўруновни ижарага олиш борасида таклиф билан чиқди. «Спартак» футболчини сотишни истамоқда
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)