Футбол бўйича Испания Суперкубогининг ярим финалида «Реал» ва «Атлетик Б» жамоалари 14 январь, пайшанба куни ўзаро баҳсга киришди.
Учрашув мадридликларнинг устунлиги билан бошланди, бироқ биринчи бўлимдаги иккита гол билбаоликлар томонидан урилди. 18-дақиқада Лукас Васкеснинг тўп узатишдаги хатосидан кейин юзага келган ҳужумни Рауль Гарсия гол билан якунлади. 38-дақиқада Рауль Гарсия пенальтини аниқ ижро этган ҳолда, ўзининг ва жамоасининг иккинчи голини урди.
Иккинчи бўлимни ҳам «Реал» футболчилари фаол бошлади, кетма-кет ҳужумлар 73-дақиқага келиб ўз самарасини берди. Карим Бензема қанотдан узатилган тўпни яқин масофадан дарвозага жойлаб қўйди. Қолган вақтда ҳисоб ўзгармади ва мадридликлар мусобақа билан хайрлашди.
Шу тариқа финалда «Барселона» ва «Атлетик Б» ўзаро тўқнаш келадиган бўлди. Ўйин 17 январь куни бўлиб ўтади.
Испания Суперкубоги
14 январь, пайшанба
«Реал Мадрид» — «Атлетик Б» 1:2
Голлар: 0:1 – 18 Рауль Гарсия, 0:2 – 38, пенальти Рауль Гарсия, 1:2 – 73 Бензема.«Реал Мадрид»: Куртуа, Варан (Начо, 46), Менди, Рамос, Васкес, Кроос, Модрич (Вальверде, 67), Азар (Винисиус Жуниор, 67), Каземиро, Асенсио, Бензема (Мариано Диас, 88).
«Атлетик Б»: Унаи Симон, Баленсиага (Морсило, 79), Мартинес, Капа (Лекуэ, 68), Де Маркос, Рауль Гарсия (Вильялибре, 79), Венседор (Весга, 68), Муниаин (Беренгер, 71), Дани Гарсия, Нуньес, Уильямс.
Огоҳлантиришлар: Васкес (37), Капа (56), Кроос (83), Дани Гарсия (84), Унаи Симон (88).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)