Болливуд юлдузлари суратга тушишдан ташқари бўш вақтларида қандай машғулотлар билан шуғулланади? (фото)

Ёшликда ҳар қандай инсоннинг ўзига хос севимли машғулотлари бўлиши табиий. Аммо кейинчалик уларга ҳамма ҳам вақт ажратавермайди. Актёр ва актрисаларнинг эса суратга тушиш ишларидан ташқари бирор фаолият билан шуғулланишини тасаввур қилиш қийин. Бироқ уларнинг орасида Болливуднинг кўзга кўринган юлдузлари бунга ҳам вақт топади.

Амир Хон

Хон ўзининг ишига масъулият билан ёндашгани учун «Жаноб Мукаммал» номини ҳам олган. Актёр ўзининг роллари мукаммал бўлиши учун кўп куч ва вақт сарфлашига қарамай, кун тартибидан шахмат ўйнаш учун ҳам жой топади. Бундан ташқари, актёр крикет ўйинларини томоша қилишни яхши кўради.

Сонам Капур

Сонамда нафақат севимли машғулот, балки аёлларга хос бўлган сумка йиғиш одати ҳам бор. Аммо актрисанинг барча дўстлари ва танишлари унинг учун энг яхши совға – китоб эканини билади. Сонам мутолаани яхши кўради, бўш вақтининг барчасини ушбу севимли машғулотига бағишлайди. Шунингдек, актриса оиласи билан баскетбол ва видео ўйинлар ҳам ўйнайди.

Акшай Кумар

Айрим инсонлар ўсмир ёшида плакатлар йиғишни хуш кўради, худди актёр Акшай Кумар каби. Акшай эски фильмларни томоша қилиш ва плакатлар йиғишни жуда ҳам яхши кўради.

Кангана Ранаут

Бу каби замонавий аёлни ошхонада тасаввур қилиш қанчалар қийин бўлмасин, у бўш вақтларида овқат тайёрлаш билан банд бўлади. Бундан ташқари, Кангана доимий равишда йога билан шуғулланади, бу унга завқ беради.

Амитабх Баччан

Баччан қимматбаҳо ручкаларни йиғишни яхши кўради. Бўш вақтларида эса отасидан мерос сифатида шеърлар ҳам ёзади. Шунингдек, актёр ўз блогини юритиши давомида ўқувчиларни ҳайратга солувчи мавзуларда ёзишга ҳаракат қилади.

Приянка Чопра

Приянкада бўш вақтнинг ўзи борлигига ишониш қийин. Шунга қарамай, актриса имкон топганида яхши китобларни мутолаа қилади ёки суратга олиш билан шуғулланади. Бундан ташқари, актрисанинг иккинчи касбига айланиб бораётган севимли машғулоти ҳам бор: у қўшиқ куйлашни яхши кўради, ҳаттоки бир нечта треклар ҳам чиқарган.

Салмон Хон

Ҳар қандай машҳур актёрнинг ҳаёти тиғизликда ўтиши табиий. Салмон Хон эса дам олиш учун сузиш билан шуғулланади. Шунингдек, бўш вақтларида сурат чизишни ҳам канда қилмайди.