Bollivud yulduzlari suratga tushishdan tashqari bo‘sh vaqtlarida qanday mashg‘ulotlar bilan shug‘ullanadi? (foto)

Yoshlikda har qanday insonning o‘ziga xos sevimli mashg‘ulotlari bo‘lishi tabiiy. Ammo keyinchalik ularga hamma ham vaqt ajratavermaydi. Aktyor va aktrisalarning esa suratga tushish ishlaridan tashqari biror faoliyat bilan shug‘ullanishini tasavvur qilish qiyin. Biroq ularning orasida Bollivudning ko‘zga ko‘ringan yulduzlari bunga ham vaqt topadi.

Amir Xon

Xon o‘zining ishiga mas’uliyat bilan yondashgani uchun “Janob Mukammal” nomini ham olgan. Aktyor o‘zining rollari mukammal bo‘lishi uchun ko‘p kuch va vaqt sarflashiga qaramay, kun tartibidan shaxmat o‘ynash uchun ham joy topadi. Bundan tashqari, aktyor kriket o‘yinlarini tomosha qilishni yaxshi ko‘radi.

Sonam Kapur

Sonamda nafaqat sevimli mashg‘ulot, balki ayollarga xos bo‘lgan sumka yig‘ish odati ham bor. Ammo aktrisaning barcha do‘stlari va tanishlari uning uchun eng yaxshi sovg‘a – kitob ekanini biladi. Sonam mutolaani yaxshi ko‘radi, bo‘sh vaqtining barchasini ushbu sevimli mashg‘ulotiga bag‘ishlaydi. Shuningdek, aktrisa oilasi bilan basketbol va video o‘yinlar ham o‘ynaydi.

Akshay Kumar

Ayrim insonlar o‘smir yoshida plakatlar yig‘ishni xush ko‘radi, xuddi aktyor Akshay Kumar kabi. Akshay eski filmlarni tomosha qilish va plakatlar yig‘ishni juda ham yaxshi ko‘radi.

Kangana Ranaut

Bu kabi zamonaviy ayolni oshxonada tasavvur qilish qanchalar qiyin bo‘lmasin, u bo‘sh vaqtlarida ovqat tayyorlash bilan band bo‘ladi. Bundan tashqari, Kangana doimiy ravishda yoga bilan shug‘ullanadi, bu unga zavq beradi.

Amitabx Bachchan

Bachchan qimmatbaho ruchkalarni yig‘ishni yaxshi ko‘radi. Bo‘sh vaqtlarida esa otasidan meros sifatida she’rlar ham yozadi. Shuningdek, aktyor o‘z blogini yuritishi davomida o‘quvchilarni hayratga soluvchi mavzularda yozishga harakat qiladi.

Priyanka Chopra

Priyankada bo‘sh vaqtning o‘zi borligiga ishonish qiyin. Shunga qaramay, aktrisa imkon topganida yaxshi kitoblarni mutolaa qiladi yoki suratga olish bilan shug‘ullanadi. Bundan tashqari, aktrisaning ikkinchi kasbiga aylanib borayotgan sevimli mashg‘uloti ham bor: u qo‘shiq kuylashni yaxshi ko‘radi, hattoki bir nechta treklar ham chiqargan.

Salmon Xon

Har qanday mashhur aktyorning hayoti tig‘izlikda o‘tishi tabiiy. Salmon Xon esa dam olish uchun suzish bilan shug‘ullanadi. Shuningdek, bo‘sh vaqtlarida surat chizishni ham kanda qilmaydi.