Muxlislar Bollivud yulduzlari mukammal va ularning ko‘rinish bilan bog‘liq hech qanday muammosi yo‘q, deb o‘ylaydi. Aslida esa bunday emas, chunki yulduzlar ham odam va ularning ham ko‘rinishida turli nuqsonlar bo‘lishi tabiiy hol. Shunchaki kimdir bu kamchiliklarni boricha qabul qilib, o‘zidan uyalmasa, boshqalar plastik jarrohlarga murojaat qilishni afzal biladi.

Sonam Kapur

Foto: “Bolliwoodtime”

Jurnal muqovalaridagi suratlari mukammaldek ko‘rinadigan aktrisa bergan intervyulardan birida, ortiqcha vazn uni qiynashini ta’kidlagan. Ko‘rinishi ko‘ngildagidek bo‘lishi uchun u hamisha parhezga amal qiladi va shirinlik iste’mol qilmaydi. Talabalik yillarida vazni deyarli 90 kilo bo‘lgan Sonam, debyut rolidan avval 35 kilo vazn tashlagan. Aktrisa hech qachon fotosessiyadan keyin mutaxassislar uning suratlar ustida uzoq ishlashiga to‘g‘ri kelishini yashirmagan. U hatto Buzzfeed nashri uchun mutaxassislar mashhurlarni mukammal ko‘rsatish uchun o‘lib-qutilishi haqida maqola ham yozgan. Sonam selyullit yoki chandiqlarning yomon tarafi yo‘qligi, ular yosh markeri ekanligi hamda ularning haqiqiyligi bu go‘zallik ekanligini ta’kidlagan.

Vidya Balan

Foto: “Bolliwoodtime”

Vidya o‘zini boricha qabul qiladi. Uning aytishicha, vaznning ortishi muammo emas va har bir ayol nima bo‘lgan taqdirda ham o‘z qomatini yaxshi ko‘rishi kerak. U muxbirlarning vazni ortgani haqidagi savolga o‘zidan uyalmasligi va hech kim ham uyalmasligi kerakligini aytib, javob qaytargan.

Rani Mukerji

Foto: “Bolliwoodtime”

Bo‘yining pastligi ko‘pincha kinoprodyuserlar uchun muammo bo‘lib ko‘rinadi. Ranining bo‘yi esa 156 sm ekanligiga qaramay, o‘zini aktrisalik karyerasidan sinab ko‘rishga qaror qilgan va hech nima uni qaytara olmagan. Qolaversa, uning yonida prodyuser Aditya Chopra bo‘lgan va keyinchalik juftlik turmush qurgan.

Kajol

Foto: “Bolliwoodtime”

Bir necha yil davomida OAV aktrisa Kajolning qoshlarini tanqid qilishdan charchamagan va buni kamchilikdek ko‘rsatishga harakat qilgan. Ammo Kajol qoshlari kamchilik emas o‘ziga xoslikning namunasi ekanligini isbotlagan.

Ritik Roshan

Foto: “Bolliwoodtime”

Ritikning qo‘lidagi barmoqlari soni 6 ta. Aktyor maktab davrida ushbu kamchilik ko‘pchilikni qochirgani, ammo shunga qaramay, u hech ham jarrohlik qildirish haqida o‘ylab ko‘rmaganini ta’kidlaydi. U o‘zini boricha qabul qilgan va mavjud kamchilikni imijidagi o‘ziga xoslikka aylantirgan.

Ayshvariya Ray Bachchan

Foto: “Bolliwoodtime”

Dunyoning eng go‘zal aktrisalaridan biri hisoblanadigan aktrisaning homiladorlik vaqti va farzandli dunyoga keltirganidan keyin vazn to‘plagani turli yoqimsiz xabarlarga sabab bo‘lgan. Shunga qaramasdan, u o‘z qomati va Kann kinofestivalida ko‘rinish berishdan uyalmagan.

Soxa Ali Xon

Foto: “Bolliwoodtime”

Oila va ishida hech narsadan muhtojlik sezmagan aktrisa, kichik kamchiligidan uyalmagan va uni o‘zining yutuqlaridan biriga aylantirishga muvaffaq bo‘lgan. U burnining shakli qanchalik tanqidlarga sabab bo‘lsa ham uni plastik operatsiya bilan o‘zgartirmagan.