KPMG аудиторлик компанияси Европанинг кучли олтилик лигалари амалдаги чемпионларининг таркибларини баҳолаб чиқди.
Кўриб чиқилган жамоалар ичида энг қиммати сифатида «Ливерпуль» эътироф этилди. Инглиз клуби умумий миқдорда 1,094 миллиард еврога баҳоланган.
Иккинчи ўринда 943,4 миллион еврога баҳоланган «Бавария» қайд этилган бўлса, учинчи ўрин «Реал»га (874,2 млн) насиб этди.
ПСЖнинг таркиби 806,6 миллион, «Ювентус»ники — 734,8 миллион, «Порту»ники эса 214 миллион еврога баҳоланган.
Йил давомида олти жамоадан бештасининг нархи пасайган, фақат «Бавария» бундан мустасно. Мюнхенликлар клуби ўтган йилда 7 фоизга қимматлашган.
KPMG футболчиларни ўз методикаси орқали баҳолаган. Маълумотлар 2021 йил 1 январь ҳолатига кўра олинган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)