«Барселона» ва «Интер» клублари собиқ ҳужумчиси Самюуэль Это’O мураббийлар Пеп Гвардиола ва Жозе Моуриньони ўзаро солиштирди.
Улардан қайси биринидир яхшироқ деб бўлмайди. Бу услублар тўқнашуви. Ҳар бирида ўзига хос услуб бор, мен Моуриньоникини маъқул кўраман.Это’O Европа топ-5 лик лигалари тарихида икки хил клуб сафида требл қайд этган ягона футболчи ҳисобланади. У бу ишни 2008/09 йилги мавсум Гвардиоланинг «Барселона»си ва 2009/10 йилги мавсумда Моуриньонинг «Интер»и билан қайд этган.Менга кўпроқ Жозенинг услуби ёқади, бироқ Пеп — топ-мураббий. Шу сабаб улардан айнан яққол бирини ажратиб кўрсатиб бўлмайди. Бироқ шу айтишим жоиз, ҳеч қайси мураббий Жозе Моуриньодек ўйинчиларга мотивация беролмайди.
Ҳозирда кўплаб мураббийлар пайдо бўлган, уларнинг ҳар бири ўзгача услубга эга, бироқ мотивация ва ўз ўйинчиларини максимал даражада ҳаракат қилдириш борасида гапирадиган бўлсак, у ҳолда бу — Моуриньо. Мен учун треблда Жозе ўзига хос бўлган.
Самюуэль Это’O, собиқ футболчи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)