Дастурчи, сузувчи, журналист, актриса ва официант каби касб эгаларининг барчасини нима бирлаштириши мумкин? Албатта, улар билан оила қурган шаҳзодалар. Бу балки эртакка ўхшар, аммо соддагина хонимлар тахт меросхўрлари билан кутилмаган жойда танишиб қолган ва уларнинг кўнглидан жой олишга муваффақ бўлган.
София Хеллквистнинг турмуш ўртоғи Карл Филипп − Швеция шаҳзодаси
Швеция шаҳзодаси Карл Филипп ва унинг рафиқаси София бир йил аввал энг гўзал эртакни ҳаётга олиб киришга муваффақ бўлди ва қироллик тўйини нишонлади. Жуфтлик замонавий одамлар каби швед тунги клубида учрашиб қолган. София университет таътили вақтида Нью-Йоркдан ўз ватани Швецияга келган. Ўқиш билан бир қаторда официант, ёга ўқитувчиси ва модель бўлиб ишлаган. Албатта, қироллик оиласи уларнинг никоҳига қарши бўлган. Аммо Филипп «бир қарашда муҳаббат»дан сўнг ўз маликаси билан оила қуришга қарор қилган ва Софияга турмушга чиқиш таклифини билдирганида, шубҳалар ўз-ўзидан бартараф бўлган.
Метте-Марит Хейбининг турмуш ўртоғи Хокон − Норвегия валиаҳд шаҳзодаси
Шаҳзода Карлнинг ҳикояси бу борада бошқаларникидан қолишмайди. Оддий бир аёл официантлик қилиб, гиёҳвандликка берилади. Бундан ташқари фарзанди ҳам бор эди. Аммо тўсатдан концерт дастурларнинг бирида қизнинг тақдири тамоман ўзгариб кетади. Бу ҳикояга эмас, кўпроқ томошабин ҳиссиётини жунбушга келтирувчи сериалга ўхшаши аниқ. Жуфтликнинг яширинча учрашуви тез орада бутун оммага тарқалиб, узоқ вақт давомида оммавий ахборот воситалари шаҳзоданинг ҳаётига қизиқиш билан қараган. Шунингдек, унинг танловини деярли ҳеч ким маъқулламаган эди. Шунга қарамай, шаҳзода Метти-Маритга уйланиш таклифини очиқлади ва фарзандини асраб олди. Хакон никоҳга рухсат берилмаса, тахтдан воз кечишга ҳам рози бўлган. Ҳозирда улар 15 йиллик бахтли ҳаёти давомида уч фарзандни тарбия қилмоқда.
Кейт Миддлтоннинг турмуш ўртоғи шаҳзода Уильям − Кембриж герцоги
Кейтнинг ота-онаси бой тадбиркорлар бўлиб, у нуфузли Сент-Эндрюс университетида ўқиган. У ерда Уэльс шаҳзодаси Чарльзнинг тўнғич ўғли шаҳзода Уильям билан танишиб қолган. Қироллик оиласининг қаршилигига қарамай, 9 йиллик ишқий муносабатдан сўнг жуфтлик турмуш қурган.
Шарлен Уитстокнинг турмуш ўртоғи Альберт Грималди − Монако князи
Собиқ сузувчи Шарлен Уитстокнинг ҳаёти замонавий Золушка ҳақидаги ҳикоянинг ўзгинаси. Шарлен Зимбабведа камбағал оилада дунёга келган. Спортга бўлган муҳаббат ҳамда сузиш бўйича мураббийи − онасининг назорати остида доимий машғулотлар Жанубий Африкада чемпионликни қўлга киритишга ва кейинчалик Олимпия ўйинларида иштирок этишга ёрдам берди. Ана шу вақтларда у князь билан учрашиб қолган. Альберт Шарленнинг мухлисига айланиб қолганди, аммо спортчи унга узоқ вақт жавоб қайтармаган. Бу эса шаҳзодани янада унга яқинлаштирган. 11 йил давомида орадаги муносабатлар сир сақланган, расмий манбалар уларнинг никоҳ тўйи ҳақида ҳам маълумот бермаган. 2014 йилнинг декабрь ойида эса Шарлен эгизак фарзандларини дунёга келтирган.
Мери Дональдсоннинг турмуш ўртоғи Фредерик − Дания валиаҳд шаҳзодаси
Фредерик ва Мери Австралия шаҳрида учрашган. Шаҳзода Олимпиадада севимли жамоасини қўллаб-қувватлаш учун келганидан сўнг ўша ерда бўлажак рафиқасини учратган. Улар аввал почта орқали мулоқот қилиб турган. Кейинроқ Дональдсон Лондонга юридик идорада ишлаш ва севгилисига яқинроқ бўлиш учун кўчиб ўтган. Бу вақт мобайнида қиз кўнгил қўйган кишиси ким эканини билмас эди. Аммо қирол оиласи билан танишувда у куёвнинг юқори мақомини қабул қилиши ва бир қанча шартларга рози бўлиши керак бўлган. Бунинг учун у Дания тилини ўрганиши, Лютеран черковига бориши керак эди. Мери ҳамма шартларга рози бўлган ва 2004 йил май ойида жуфтлик турмуш қурган.
Мари Каваленинг турмуш ўртоғи Йоахим − Дания шаҳзодаси
Дастурчи Мари асли франциялик бўлган. Шаҳзода 2004 йилда ўзининг биринчи турмуш ўртоғи Александра Менли билан ажрашган. Йоахим Марини 2002 йилда кечки овқатда учратган, аммо оиласидан ажрашгандан кейингина у билан учрашишни бошлаган. Мари жуда ўқимишли бўлиб, Бостон университетини тамомлаган ва учта хорижий тилни билади. Шунингдек, Мари шаҳзоданинг аввалги оиласи билан жуда яхши келишади ва ҳаттоки таътилни ҳам биргаликда ўтказади. Айтганча, Александранинг болалари Мариникидан аввал тахтни эгаллашга ҳақли.
Летиция Ортиснинг турмуш ўртоғи Фелипе − Испания қироли
Летицияда шаҳзоданинг жалб этадиган ҳеч қандай ўзгачалик йўқ эди. У журналист бўлиб ишлар, ўқитувчи инсон билан қурган никоҳидан ажраган эди. Летиция шаҳзода билан мамлакат шимолида чўкиб кетган танкер ҳақида репортаж пайтида танишган. Летиция унгача барча таклифларни рад этган, аммо шаҳзоданинг саъй-ҳаракати бекорга кетмади. Летиция нафақат ажойиб онага, балки бутун Испаниянинг севимли хонимига айланган.
Максима Соррегетанинг турмуш ўртоғи Виллем Александр − Нидерландия қироли
Максимани ҳам оддий оила фарзанди деб бўлмайди. Унинг отаси 70 йилларда қишлоқ хўжалиги вазири бўлган, фақатгина унинг онаси рафиқа эмас, балки вазирнинг маъшуқаси бўлган. Шуниси эътиборга лойиқки, Виллемнинг аввалги севгилиси айнан қариндошларининг норозилиги туфайли унинг рафиқаси бўла олмаган. Аммо бу нарса Максимага тўсқинлик қилмаган ва жуфтлик оила қуришга муваффақ бўлган.
Мария Тереза Местренинг турмуш ўртоғи Анри − Люксембургнинг буюк князи
Анри кубалик Мария Тереза билан Женева университетида ўқиётганида танишган. Ёшлар учрашишни бошлаган, аммо Анрининг онаси нега у оддий инсон билан муносабатларни бошлаганига тушунолмаган. 1981 йилда тўйдан сўнг янги турмуш қурган оила билан қироличанинг муносабати вафотигача ҳам ўзгармай қолган.
Меган Марклнинг турмуш ўртоғи шаҳзода Гарри
Шаҳзода уч ойлик муносабатлардан кейиноқ уни ўзининг қариндошлари билан таништирган, фақат қиролича Елизавета II бундан мустасно. Қиролича кенжа набирасининг хотинига нисбатан қаттиққўллик қилмаган, чунки у Британия тахтини мерос қилиб олмаслигини тушунган. Шаҳзоданинг ҳаётида оила борасида бир қанча муаммолар ҳам бўлган, аммо эндиликда барчаси тартибда. Охир-оқибат улар ўзларининг сценарийларига кўра турмуш қурди.
Изоҳ (0)