Фарзанд дунёга келиши ҳамиша энг яхши воқеа ва хушхабарлардан бири бўлган. Қуйида номи келтирилган жуфтликлар эса 2021 йилда ушбу бахтни ҳис қилиш арафасида.
Эмма Стоун ва Дейв Маккери
2019 йилда турмуш қуришни режалаштиргани ҳақида маълум қилган жуфтликнинг тўй маросими 2020 йилнинг майида бўлиши керак эди, аммо пандемия сабаб қолдирилди. Шундан кейин улар бошқаларга овоза қилмасдан турмуш қурган. Эмманинг кўринишида ўзгариш борлигини пайқаган мухлислари Стоуннинг ҳомиладорлигини тахмин қила бошлаган. Унинг ўзи буни инкор қилса ҳам, яқин дўстлари Эмма ва Дайвнинг яқин орада фарзандли бўлишини маълум қилган.
Эмили Ратаковски ва Себастьян Беар-Макклард
2018 йилда продюсер Себастьян билан турмуш қурган америкалик модель 2020 йилнинг октябрида фарзанд кутаётгани ҳақида маълум қилган. Vogue журнали учун суратга тушган ва оналик ҳақида махсус эссе ёзган. Ратаковски ҳамиша фарзанди қиз бўлишини истагани, аммо замонавий оламда аёл бўлиш осон эмаслигини, шунингдек, чақалоқнинг жинсини билишга шошилмаслигини таъкидлаган.
Хилари Дафф ва Мэттью Кома
Хилари ва Мэттью 2019 йилда турмуш қурган. Қиз фарзанди бўлган жуфтлик яқинда иккинчи марта ота-она бўлишини билдирган. Актриса ижтимоий тармоққа видео жойлаб, оиласи кўпайиш арафасида эканлигини ёзиб қолдирган.
Роуз Лесли ва Кит Харингтон
«Тахтлар ўйини» сериалининг суратга тушиш майдончасида танишган жуфтлик 2018 йилда турмуш қурган. Make Magazine журнали учун суратга тушганидан кейин мухлислари Леслининг фарзанд кутаётгани ҳақида хабар топган. Роуз бундан хурсанд эканини таъкидлаб, оиланинг янги аъзоси билан танишишга ошиқаётганини маълум қилган.
Пиппа Миддлтон ва Жеймс Мэттьюз
2021 йил кириб келиш арафасида Кейт Миддлтон синглисининг иккинчи марта она бўлиши маълум бўлган. Ушбу хушхабар Паге Сих нашри сайтида эълон қилинган. Нашр муҳаррирлари 2020 йилнинг оғир келганига қарамай, жуфтлик ушбу фантастик янгиликдан хурсанд эканини маълум қилган. Маълумот учун, Пиппа ва Жеймс 2017 йилда турмуш қурган ва бир ярим йилдан кейин фарзанди Артур дунёга келган.
Изоҳ (0)