Хитойнинг шиша идишларга қадоқланган ичимлик суви ишлаб чиқарувчи Nongfu Spring компанияси асосчиси Чжун Шаньшань Bloomberg версиясига кўра Осиёнинг энг бой одамига айланди, деб ёзмоқда Inc.
2020 йилда хитойлик тадбиркор 70 миллиард доллардан кўпроқ маблағ ишлаб топган. Шаньшаннинг бойлиги 77,8 миллиард долларга баҳоланади — бу уни дунё бўйича энг бой одамлари рейтингида 11-ўрин, Осиёда эса биринчи ўринда турувчи шахсга айлантирди.
Ундан аввал Осиёдаги энг бой одам Ҳиндистоннинг Reliance Industries компанияси директорлар кенгаши раиси, бошқарувчи директор ва компаниянинг асосий эгаси бўлган Мукеш Амбани ҳисобланарди.
Шаньшань Nongfu Spring компаниясидан ташқари гепатитга қарши вакцина ва COVID-19’ни аниқлаш бўйича тест ишлаб чиқарувчи Wantai Biological Pharmacy Enterprise Cо., компаниясини ҳам бошқаради. Иккала компаниянинг 2019 йилдаги даромади 3,6 миллиард доллардан ошган.
Чжун Шаньшань «якка бўри» номи билан танилган ва камдан кам ҳолларда жамоат олдида пайдо бўлади ва ОАВ билан мулоқотда бўлади.
Эслатиб ўтамиз, Чжун Шаньшань 2020 йилнинг сентябрида Хитойнинг энг бой одамига айланганди.
Изоҳ (0)