Американинг Moderna фармацевтика компанияси бош директори Стефан Бансел компания 2021 йилда бозорга 600 миллиондан 1 миллиард дозагача коронавирусга қарши вакцина етказиб беришга тайёрланаётганини айтди. Бу ҳақда «Интерфакс» маълум қилди.
Банселнинг қайд этишича, Moderna аллақачон 500 миллион доза учун буюртма олган ва камида 600 миллион дозани осонликча ишлаб чиқариши мумкин. Аммо у яна кўплаб буюртмалар бўлишини тахмин қилмоқда.
Бансел, шунингдек, ушбу вакцина коронавирусга қарши иммунитетни қанча вақтгача сақлаб туриши ҳали ҳам аниқ эмаслигини тасдиқлади.
Эслатиб ўтамиз, 6 январь куни Европа Иттифоқида Moderna вакцинасидан фойдаланиш маъқулланди.
Аввалроқ Moderna ўз вакцинасининг самарадорлиги 94 фоиз эканини маълум қилгани ҳақида хабар берилганди.
Изоҳ (0)