Олий Мажлис Сенатининг ўн биринчи ялпи мажлисида Сенат раиси Танзила Норбоева ҳокимлар сарфлаб бўлинган бюджетни тасдиққа олиб кираётганини айтиб ўтди.
Танзила Норбоеванинг маълум қилишича, ҳокимларнинг сарфлаб бўлинган бюджетни тасдиққа олиб кириши нотўғри. Маҳаллий кенгашлар бунга йўл қўйиши керак эмас.
«Умуман олганда, бюджетни ижрога йўналтиришга рухсат бериш керак. Нега республика бюджети бир тийин маблағини Олий Мажлис қуйи палатаси ва Сенат орқали тасдиқланиб, қонун сифатида Президент томонидан имзоланганидан кейин сарфлай бошлайди? Нега республика даражасида бу тартиб-тамойилга амал қилинадию, маҳаллий ҳокимликлар эса бунга амал қилмайди?», — деди Сенат раиси.
Мавзуга доир: Танзила Норбоева: Сенат ва Коррупцияга қарши курашиш агентлиги ўртасида ҳамкорлик кузатилмади
Эслатиб ўтамиз, видеоконференсалоқа шаклида бўлиб ўтаётган ялпи мажлисда бир қатор масалалар кўриб чиқилиши режалаштирилган. Ўзбекистон Президенти Шавкат Мирзиёевнинг Олий Мажлисга йўллаган Мурожаатномасида белгиланган вазифалар шулар жумласидандир.
Бундан ташқари, «Ўзбекистон Республикасининг Конституциясига ўзгартиришлар киритиш тўғрисида»ги, «Ўзбекистон Республикасининг Шаҳарсозлик кодексини тасдиқлаш ҳақида»ги, «Маданий фаолият ва маданият ташкилотлари тўғрисида»ги Ўзбекистон Республикаси қонунлари муҳокама қилиниши назарда тутилган.
Изоҳ (0)