Fox Спорц Асиа портали Осиёнинг 2020 йилдаги энг яхши футболчисини аниқлаш учун ўтказилган сўровнома натижаларини эълон қилди.
Унга кўра, «Тоттенҳэм» клуби ва Жанубий Корея терма жамоаси ҳужумчиси Сон Ҳён Мин яққол устунлик билан биринчи ўринни қўлга киритди. Сон 286 очко тўплаган.
Кейинги поғонадан Эрон терма жамоаси ва «Зенит» клуби форварди Сардор Азмун (89 очко) жой олган бўлса, «Улсан Ҳюндай»нинг бразилиялик ҳужумчиси Junior Негао (83) кучли учликка якун ясади.
«Пахтакор» клуби ва Ўзбекистон терма жамоаси ҳужумкор ярим ҳимоячиси Жалолиддин Машарипов (4) рейтингнинг 22-поғонасини эгаллади.
Осиёнинг 2020 йилдаги энг яхши ўн футболчиси билан танишинг:
- Сон Ҳён Мин («Тоттенҳэм», Жанубий Корея) — 286 очко
- Сардор Азмун («Зенит», Эрон) — 89
- Junior Негао («Улсан Ҳюндай», Бразилия) — 83
- Андрес Иньеста («Виссел Кобе», Испания) — 44
- Юн Бит Гарам («Улсан Ҳюндай», Жанубий Корея) — 30
- Акром Афиф («Ас-Садд», Қатар) — 29
- Алкес Тейшера («Цзянсу Сунин», Бразилия)
- Такефуса Кубо («Вильярреал», Япония) — 25
- Меҳди Тареми («Риу Аве», Эрон) —24
- Ҳван Ҳи Чан («Лейпциг», Жанубий Корея) — 22
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)