Ўзбекистонда шифокор маоши қанча ва у билан тирикчилик қилса бўладими?

«Ўзбекистон шифокорлари» («Врачи Узбекистана») Telegram канали очиқ маълумотлар асосида тиббиёт соҳасидаги маошларни таҳлил қилди, деб хабар бермоқда «Kun.uz»

Суратда Меҳнат вазирлиги порталидаги бўш иш ўринлари учун вакансиялар рўйхатида врачларнинг 1 ставкаси учун белгиланган маошлар кўрсатилган.

Мисол тариқасида УАШ (умумий амалиёт шифокори) билан битта тор мутахассиснинг (жарроҳ, травматолог ва ҳоказо) маоши олинган.

Уларда 1 ставка учун:

• УАШ ойлиги 1 миллион 837 минг сўм;
• Тор мутахассис 1 миллион 670 минг сўм.

• 1 миллион 837 минг - 13 фоиз = 1 миллион 598 минг сўм;
• 1 миллион 670 минг - 13 фоиз = 1 миллион 453 минг сўм.

• 10 минг сўм йўлкира;
• 15 минг сўм тушлик;
• 20 минг сўм уйларга бориб бемор кўришга йўлкира.

• 1 миллион 598 минг - 880 минг сўм = 678 минг сўм;
• 1 миллион 453 минг - 880 минг сўм = 533 минг сўм.

Халқ орасида врачлар пора олмаслиги керак, қасам ичган, уларнинг ойлиги етарли деган тушунчалар мавжуд. Энди виждонан айтайлик! Шу пулга яшаш мумкинми? 6-7-10 йил умрини илм қувишга ишлатган одам шу пулга қандай қилиб тирикчилик қилиши керак? Боласининг, хотинининг кўзига қандай қарайди? Жавоб беринг!» — деган пост муаллифи, шифокор Абдулазизхон Акрамов.

Шавкат Мирзиёев 20 ноябрь куни Тошкентда фаолият олиб бораётган тиббиёт ходимлари ва педагоглар билан учрашувда шу ҳақда тўхталиб, «Оддий муаллим 1000 доллар иш ҳақи олмаса, у ишга келиши керак эмас. Шифокор ҳам худди шундай, 1000 доллар олмаса, эртага уйга бориб боласини, набирасини қандай боқади? Қилишимиз мумкинми? Мумкин. Тинчлик, осойишталик керак, бир-биримизни тўғри тушунишимиз керак», — деб айтганди.

Соғлиқни сақлаш вазирининг биринчи ўринбосари Амрилло Иноятов ҳам 18 декабрь куни Тошкентдаги ёшлар форумида шу масала бўйича гапириб, «Бу оғриқли савол… Сизни ишонтириб айтаман, муҳтарам Президентимиз айтдилар, яқин кунларда, яқинлашиб келаётган 2021 йилда ҳамшира, шифокор ва ўқитувчиларнинг иш ҳақи бир неча баравар оширилади», — деб айтганди. У, шунингдек, хориждаги ўзбекистонлик мутахассисларни ватанга қайтариш масаласига ҳам тўхталиб ўтган.