Йил сарҳисоби: Ўзбекистон Президенти Шавкат Мирзиёевнинг 2020 йилда борган манзиллари (фото)

Ўзбекистон мустақиллигининг 29 йиллиги арафасида бир гуруҳ фуқаролар Ўзбекистон Президенти томонидан фахрий унвонлар, орден ва медаллар билан тақдирланган эди. 28 декабрь куни Кўксаройда мукофотларни топшириш маросимида давлат раҳбари ўз нутқида ўтаётган пандемия йили ҳақидаги фикрлари билан ҳам ўртоқлашди. Жумладан, Президент «Эл-юртимиз бу муаммолар қаршисида саросимага тушиб қолгани йўқ. Аксинча, қийинчиликлар бизни янада бирлаштирди, бир-биримизга меҳримиз ортди. Мураккаб вазиятга қарамасдан, кўпни кўрган, азм-у шижоатли халқимизнинг фидокорона меҳнати билан бу синовларни мардона енгиб ўтяпмиз. Барака ҳамжиҳатликда, деган гап ҳаётимизда яна бир бор ўз тасдиғини топди. Пандемия ва глобал инқироз оқибатларини камайтириш бўйича кўраётган чора-тадбирларимиз ўз самарасини беряпти», — дея таъкидлади.

Мамлакат етакчиси мана шундай мураккаб бир даврда ҳам барча соҳалар билан кенг кўламли ишлар олиб бориш, имкони борича энг зарурий йўналишлар фаолияти билан шахсан танишишга интилди. «Дарё» 2020 йилда Шавкат Мирзиёев ташриф билан борган манзилларни бирма-бир ёдга олади.

Ўзбекистон Президенти Шавкат Мирзиёевнинг Қуролли Кучлар академиясига ташрифи. 2020 йил, 10 январь.

Алишер Навоий номидаги Ўзбекистон Миллий боғига ташриф. 2020 йил, 11 январь.

Тошкент шаҳридаги Президент Халқ қабулхонаси.

Алишер Навоий номидаги Ўзбекистон Миллий боғида амалга оширилаётган ишлар билан танишилди. 2020 йил, 11 январь.

Президент Қонунчилик палатасининг сайловдан кейинги биринчи мажлисида иштирок этди. 2020 йил, 20 январь.

Олий Мажлиси Сенатининг биринчи ялпи мажлисида. 2020 йил, 20 январь.

Олий Мажлис палаталарининг қўшма мажлисида. 2020 йил, 20 январь.

Шавкат Мирзиёевнинг Халқаро конгресс марказида Олий Мажлис палаталарига мурожаатномаси. 2020 йил, 24 январь.

Ислом Каримов ҳайкали пойига гулчамбар қўйилди. 2020 йил, 30 январь.

Олимлар кўчасидаги илмий-тадқиқот институтларига ташриф давомида янги университет кампусига тамал тоши қўйилди. 2020 йил, 31 январь.

Давлат геология ва минерал ресурслар қўмитасида олимлар, ёш тадқиқотчилар, ишлаб чиқариш вакиллари ва илмий-тадқиқот муассасалари раҳбарлари билан учрашув. 2020 йил, 31 январь.

Шавкат Мирзиёев Туркия Президенти Ражаб Тоййип Эрдўғоннинг таклифига биноан Туркияга келди. 2020 йил, 19 февраль.

Анқарадаги Аниткабир ёдгорлик мажмуасидаги Мустафо Камол Отатурк қабрига гулчамбар қўйилди. 2020 йил, 19 февраль.

Туркия президенти саройида Ўзбекистон Президентини расмий кутиб олиш маросими бўлди. 2020 йил, 19 февраль.

Анқара шаҳрида Олий даражадаги Ўзбекистон–Туркия стратегик ҳамкорлик кенгашининг биринчи йиғилиши бўлиб ўтди. 2020 йил, 19 февраль.

Шавкат Мирзиёев ва унинг рафиқаси Зироат Мирзиёева шарафига Туркия президенти Ражаб Тоййип Эрдўғон ва унинг рафиқаси Эмина хоним томонидан қабул маросими ташкил этилди. 2020 йил, 19 февраль.

Шавкат Мирзиёев Анқарада Туркиянинг етакчи компаниялари ва банклари раҳбарлари билан учрашди. 2020 йил, 20 февраль.

Шавкат Мирзиёев Анқара шаҳрида Туркия президенти ҳузуридаги Халқ кутубхонасининг очилиш маросимида иштирок этди. 2020 йил, 20 февраль.

Халқ кутубхонасининг фаолияти билан танишилди. 2020 йил, 20 февраль.

Шавкат Мирзиёев Тошкетнинг Мирзо Улуғбек тумани «Авайхон» маҳалласида бунёд этилаётган кўп қаватли уй-жойларни кўздан кечирди. 2020 йил, 28 февраль.

Яшнобод туманидаги <span style= — Яшнобод туманидаги технопаркка ташриф. 2020 йил, 28 февраль.

Шавкат Мирзиёев Яшнобод туманидаги Мудофаа вазирлигига қарашли Маънавият ва маърифат марказини бориб кўрди. 2020 йил, 28 февраль.

Яшнобод туманидаги «Ишга марҳамат» моно-маркази. 2020 йил, 28 февраль.

Яшнобод тумани раҳбарлари, маҳалла раислари, тадбиркорлар, мактаб ва соғлиқни сақлаш муассасалари вакиллари билан учрашув. 2020 йил, 28 февраль.

8 март – Халқаро хотин-қизлар куни муносабати билан байрам тадбири. 2020 йил, 7 март.

Шавкат Мирзиёев Хоразмга ташрифининг илк манзилида «Ҳазорасп» эркин иқтисодий зонасидаги Develop Textile хорижий корхонаси фаолияти билан танишди. 2020 йил, 12 март.

Хоразм вилоятининг Янгиариқ туманидаги Global Food Impeks масъулияти чекланган жамият томонидан ташкил этилган замонавий иссиқхона кўздан кечирилди. 2020 йил, 12 март.

«Хоразм пилла холдинг» кластери томонидан Янгиариқ туманида ишга туширилган компанияда. 2020 йил, 12 март.

Президент Хива шаҳридаги Ичан қалъа мажмуасига ташриф буюриб, Амир Тўра мадрасасида амалга оширилган реставрация ишлари билан танишди. 2020 йил, 12 март.

Хива шаҳридаги Президент мактаби. 2020 йил, 12 март.

Урганч шаҳрида Хоразм вилояти ва туманлар ҳокимлари, маҳаллий кенгашлар депутатлари, давлат ва жамоат ташкилотлари раҳбарлари, тадбиркорлар, зиёлилар иштирокида йиғилиш. 2020 йил, 12 март.

Урганч шаҳрида Жалолиддин Мангуберди мемориал боғини ташкил этиш бўйича лойиҳа таклифи намойиш қилинди. 2020 йил, 13 март.

Туркманистон ҳудудидан кириб келган кучли шамол Бухоро, Навоий, Самарқанд ва Қашқадарё вилоятларида жиддий талафотлар келтириб чиқарди, Президент энг жиддий зарар кўрган Бухоро вилоятига етиб келган. 2020 йил, 28 апрель.

Мирзиёев Бухоро вилоятига сафари чоғида Баҳоуддин Нақшбанд мақбарасини зиёрат қилди. 2020 йил, 28 апрель.

Сирдарё вилоятидаги Сардоба сув тўғони ёрилиши сабабли аҳоли пунктларига катта талафот етди. Президент Шавкат Мирзиёев зудлик билан Сирдарё вилояти Сардоба туманига етиб келган. 2020 йил, 1 май.

Президент Оқолтин туманида аҳоли билан учрашган. 2020 йил, 1 май.

Шавкат Мирзиёев Сардоба сув омборига бориб, тўғонни тиклаш бўйича амалга оширилаётган ишларни кўздан кечирди. 2020 йил, 2 май.

Сув тошқинига биринчи бўлиб дуч келган Сардоба туманидаги «Навоий» маҳалласи бориб кўрилди. 2020 йил, 2 май.

Мирзиёев Сардобадаги фавқулодда ҳодиса сабабли Гулистон шаҳрига эвакуация қилинган одамлар билан мулоқот қилиб, улардан кўнгил сўради. 2020 йил, 2 май.

Сардоба сув омбори ҳудудида амалга оширилаётган тиклаш-таъмирлаш ишлари билан яқиндан танишилди. 2020 йил, 3 май.

Президент Сардоба туманидаги «Қўрғонтепа» маҳалласини бориб кўрди. 2020 йил, 3 май.

Президент Оқолтин ва Мирзаобод туманларидаги маҳаллаларни бориб кўрди. 2020 йил, 3 май.

Шавкат Мирзиёев Ғалаба боғига ташриф буюриб, «Матонат мадҳияси» ёдгорлик мажмуасига гул қўйди. 2020 йил, 9 май.

Президент Ғалаба боғидаги Шон-шараф музейини кўздан кечирди. 2020 йил, 9 май.

Президент Ғалаба боғида Хотира ва қадрлаш куни ҳамда Иккинчи жаҳон урушида қозонилган ғалабанинг 75 йиллиги билан барчани табриклади. 2020 йил, 9 май.

Тошкент шаҳри Чилонзор туманида барпо этилган Иккинчи перинатал марказ. 2020 йил, 9 май.

Сирдарёдаги навбатдаги ташриф давомида Президент Сардоба туманида бўлиб, ҳудудда олиб борилаётган ишларни кўздан кечирди. Таъмирланаётган хонадонларни кириб кўрди, одамлар билан суҳбатлашди. 2020 йил, 15 май.

Сардоба туманида маҳаллий аҳоли вакиллари билан учрашув. 2020 йил, 15 май.

Мирзаобод туманида фавқулодда ҳолатдан талафот кўрган жойларда амалга оширилаётган ишлар кўздан кечирилди. 2020 йил, 15 май.

Мирзиёев сув тошқинидан талафот кўрган Оқолтин туманида ҳам бўлиб, аҳоли вакиллари билан учрашди. 2020 йил, 15 май.

Алишер Навоий номидаги Ўзбекистон Миллий боғида барпо этилган Адиблар хиёбонига ташриф. 2020 йил, 20 май.

Адиблар хиёбони ёнидаги Тошкент шаҳри музейи. 2020 йил, 20 май.

Тошкентнинг Яшнобод туманида барпо этилган Болалар миллий тиббиёт марказида. 2020 йил, 20 май.

Президент Шавкат Мирзиёев Тошкент шаҳрида Оҳангарон шоссеси ва Махтумқули кўчаси кесишмасидаги йўл ўтказгични кўздан кечирди. 2020 йил, 20 май.

Шавкат Мирзиёев Андижон вилоятига келиб, дастлаб Олтинкўл туманидаги «Кўҳна водий баҳори» фермер хўжалигида бўлди. 2020 йил, 21 май.

Андижон шаҳридаги «ВБМ Текстиль Груп» масъулияти чекланган жамият фаолияти билан танишув. 2020 йил, 21 май.

Президент Андижон шаҳридаги йигирмата 7 қаватли, иккита 16 қаватли янги уйлар жойлашган мавзени бориб кўрди. Хонадонлардан бирида бўлиб, оила билан суҳбатлашди. 2020 йил, 21 май.

Марҳамат туманидаги «Водий ҳамкор агрофирмаси» томонидан ташкил этилган қуёнчилик кластери. 2020 йил, 21 май.

«Замонавий қишлоқ» лойиҳаси тақдимотида. 2020 йил, 21 май.

Андижон шаҳридаги Digital City номли технопарк. 2020 йил, 21 май.

Андижон вилояти ва туманлари ҳокимлари, иқтисодиёт тармоқлари раҳбарлари иштирокида йиғилиш. 2020 йил, 21 май.

Андижон вилояти Хўжаобод туманидаги кўп қаватли уйлар қурилиши. 2020 йил, 22 май.

Шавкат Мирзиёев Тошкент вилояти Зангиота туманида барпо этилаётган кўп тармоқли махсус шифохона қурилиши билан танишди. 2020 йил, 29 май.

Мирзиёев пойтахтнинг Сергели туманида барпо этилган 16 қаватли уйни бориб кўрди. 2020 йил, 29 май.

Сергели туманининг 5А мавзесида 329-умумий ўрта таълим мактабида. 2020 йил, 29 май.

Сергели туманига Қашқадарё вилояти бириктирилиб, вилоят фермерлари ўз маҳсулотини олиб келиб сотадиган савдо жойи очилди. Давлат раҳбари «Ташаббус» маҳалласи ҳудудидаги ана шундай савдо шохобчасини кўздан кечирди. 2020 йил, 29 май.

Сергели туманида барпо этилган экопарк бориб кўрилди. 2020 йил, 29 май.

Янги экопаркда Сергели тумани мутасаддилари, аҳоли вакиллари билан учрашув бўлиб ўтди. 2020 йил, 29 май.

Шавкат Мирзиёев 5 июнь куни Фарғона вилоятига амалий ташриф билан келди. 2020 йил, 5 июнь.

Давлат раҳбари Фарғона вилояти, Тошлоқ туманидаги Uz-Segang қўшма корхонасида иш жараёни билан танишди. 2020 йил, 5 июнь.

Фарғона туманида ишга туширилган «Экокерама» масъулияти чекланган жамияти. 2020 йил, 5 июнь.

Шавкат Мирзиёев Марғилондаги Ҳунармандлар марказини бориб кўрди. 2020 йил, 5 июнь.

Фарғона шаҳрида вилоят ва туманлар ҳокимлари, соҳа ва тармоқлар раҳбарлари, жамоатчилик вакиллари иштирокида йиғилиш. 2020 йил, 6 июнь.

Давлат раҳбари Фарғона шаҳридаги Ўзбекистон—Корея халқаро университетида бўлди. 2020 йил, 6 июнь.

Ўзбекистон Фанлар академиясининг Математика институтига ташриф. 2020 йил, 12 июнь.

Олмазор тумани Талабалар шаҳарчасида барпо этилган Инновацион ривожланиш вазирлигининг янги биноси бориб кўрилди. 2020 йил, 12 июнь.

Биз бугунги натижаларга эришиш учун пандемия шароитида — ғоят мураккаб бир вазиятда иш олиб бордик. Бунинг учун 2-3 карра кўпроқ меҳнат қилишга, изланиш, янги имконият ва ресурсларни қидириб топишга тўғри келди. Аввало, фидойи шифокорларимиз ўз жонини гаровга қўйиб, халқимиз соғлиғини асраш учун беқиёс жасорат ва матонат кўрсатдилар. Бу борада Қуролли Кучлар, Миллий гвардия, Ички ишлар, Фавқулодда вазиятлар вазирлиги мард ва жасур ходимларининг хизматларини алоҳида қадрлаймиз. Айни вақтда бунёдкор қурувчилар, саховатли тадбиркорлар, маҳалла фаоллари, муҳтарам нуронийларимиз, навқирон ёшларимиз, илм-фан, маданият ва спорт соҳаси вакиллари эл-юртимизга ҳақиқий таянч ва суянч бўлиб майдонга чиқдилар. Ҳар қандай синовни бирдамлик билан енгиб ўтадиган халқимиз мана шундай оғир кунларда қудратли кучга айланди. Фурсатдан фойдаланиб, сабр-матонатли, заҳматкаш, олижаноб ва фидойи халқимизга, унинг буюк қаҳрамонлиги учун яна бир бор бош эгиб, таъзим қиламан.Шавкат Мирзиёев, Ўзбекистон Президенти