Юз терисини гўзаллаштиришнинг энг осон ва тезкор усуллари

Гўзаллик устида иш бошлаш ҳеч қачон кеч ҳисобланмайди ва ҳар доим ҳам фойдали бўлади. Бунинг учун айнан қимматбаҳо маҳсулотлар сотиб олиш, косметолог билан мунтазам муолажалар олиб бориш ва дам олиш учун қаергадир саёҳат қилиш шарт эмас. Гўзаллик фидойилик талаб қилди, бу эса кўпроқ вақт билан боғлиқ. Аммо унинг оддий ва тезкор усуллари ҳам мавжуд.

Совуқ сув

Сув инсоннинг ёшлиги ҳамда соғлиғининг кафолатидир. Совуқ сув тери тетиклиги учун жуда фойдали. Сув тери билан алоқа қилганда қон айланиш интенсивлигини оширади. Шишни камайтиради ва тери ҳолатини яхшилайди. Шунингдек, лимонли сув эртанги кун учун терининг намлик манбайи ҳисобланади. Уйқудан олдин истеъмол қилинган лимонли сув тунда фаоллашади ва кун давомида танада тўпланган токсинларни тозалайди. Эрталабда лимонли сув ичиш ҳам зарар қилмайди. Бу модда алмашинуви жараёнини яхшилайди ва терини соғломлаштиради.

Косметика воситалари

Одатда тасвирнинг гўзаллигини эмас, балки дақиқалардан унумли фойдаланишни ўрганиш керак. Бунинг учун сумка ортиқча косметик воситаларни йиғишнинг кераги йўқ. Уларнинг ҳар биридан ўз ўрнида фойдаланиш аёл кишининг энг кўп вақтини олади. Шунчаки лаб бўёғидан яноқлар учун ҳам ранг беришда фойдаланиш мумкин. Ёки қовоқлар учун мўлжалланган тен ёрдамида қошларга бироз ишлов бериш ҳам зарар қилмайди.

Спорт

Соғлом ва ёш кўринишни сақлаб қолишнинг энг яхши йўли – бу спорт билан шуғулланишдир. Албатта, бу қийин ва машаққатли бўлиши шарт эмас, балки енгил гимнастика, ҳар куни камида 15-30 дақиқа машқлар бажараишдан иборат бўлиши ҳам мумкин. Тўғри, бунинг учун кўп вақт кетади. Аммо натижаси аниқ. Терини ва тананинг чиниқиши ҳар қандай келиб чиқиши мумкин бўлган муаммонинг олдини олади.

Терини уқалаш

Мунтазам массаж юз мушакларини рағбатлантиради ва тери ҳужайраларига имкон қадар кўпроқ кислород етказиб беришга ёрдам беради. Бошқача қилиб айтганда, бу қаришга қарши сезиларли таъсирга эга. Коллагеннинг ишлаб чиқарилиши кўпаяди ва терининг ранги ҳам яхшиланади. Юз учун мўлжалланган ёки намлантирувчи воситани муаммоли жойларга енгил босим билан юмшоқ думалоқ ҳаракатлар билан қўллаш керак. Шу тарзда юз массаж қилинади, бу орқали маҳсулот терига осон ва чуқурроқ кириб боришига ёрдам беради.

Соғлом уйқу

Тери барча парваришдан ҳам кўра уйқудан кўпроқ фойда олади. Шунингдек, уйқу ётоқ ўрни ва хонанинг қулайлиги билан ҳам боғлиқ. Айниқса, ипак жилдли ёстиқ  ёки чойшабда тана саломатлиги учун жуда зарур бўлган бир қатор табиий оқсиллар ва 18 та аминокислоталар мавжуд. Ушбу матолар устида ухлаш яноқлардаги ёқимсиз излардан халос қилади. Ипак ва атлас мато сочлар орасида минимал ишқаланиш ҳосил қилиб, зарарни камайтиради. Шунингдек, уйқудан аввал сочларни қулай ҳолда йиғиштириб ётиш тавсия этилади. Сабаби ёйилган соч юзасида йиғилган бактериялар осонгина юз терисига тушиши ва ҳунсбузарлар ривожланишига сабаб бўлиши мумкин.