Xitoyning Xiaomi kompaniyasi yangi Mi 11 smartfonini rasman taqdim etgani to‘g‘risida xabar berilgandi. Internetda foydalanuvchilarning flagman qo‘shimcha funksiyalariga oid ilk fikrlari paydo bo‘la boshladi. Tunda ishlash rejimi ham shunga bog‘liq, deb yozadi Hi-Tech.Mail.ru.
Tungi suratga olishni intellektual qayta ishlash funksiyasi yordamida amalga oshiradigan smartfonlar buni uzoq vaqt orasida yorug‘likni tutish va ko‘plab kadrlarni birlashtirish hisobiga amalga oshiradi. Shu orqali tasvir yaxshilanadi. Bu turli kompaniyalar faol foydalanib kelayotgan sinalgan usul hisoblanadi, biroq kam yoritilgan joyda video sifatini yaxshilash uchun boshqacha yondashuv kerak bo‘ladi.
Video uchun odatda soniyasiga 24 tadan 30 tagacha kadr kerak bo‘lishi sabab “ushlangan” har bir kadr yaxshilanishi lozim. Har bir qayta ishlangan kadr esa bir onda sodir bo‘lishi kerak.
Xiaomi ushbu muammoni hal etish uchun sun’iy intellekt bazasida tasvirlarni yaxshilash bo‘yicha dasturlar ishlab chiquvchi BlinkAl kompaniyasi bilan hamkorlikni yo‘lga qo‘ygan. Kompaniya Mi 11’ga BlinkAl algoritmini o‘rnatgan bo‘lib, bu “kam yoritilgan sharoitda ham video tasvirga olishni sezilarli darajada yaxshilaydi”. BlinkAl tizimi tunda suratga olingan kadrlarni algoritm yordamida qayta ishlaydi.
Quyidagi videolarda “aqlli” rejim va usiz olingan holat orasidagi farq tasvirlangan. Ta’kidlanishicha, BlinkAl kadrlar sifatini millisoniyalar ichida yaxshilaydi.
Avvalroq Xiaomi Mi 11 qutisidan quvvatlantirgich o‘rin olmasligi rasman ma’lum qilingan edi.
Izoh (0)