Футбол бўйича Испания Ла Лигасининг 16-турида «Барселона» 29 декабрь, сешанба куни «Эйбар»ни қабул қилди.
Учрашувнинг биринчи бўлимида ҳар икки жамоаларида қатор голга тортадиган вазият бўлди. Каталонлар ўйин дебютидаёқ олдинга ўтиб олиши мумкин эди, бироқ Мартин Брэйтуэйт пенальтини голга айлантира олмади.
Иккинчи бўлим дебютида мезбонлар ҳимоясидаги хатодан кейин олдинга ўтиб кетган «Эйбар» вакиллари Кике Гарсиянинг голидан кейин ҳисобни очди.
Бунга майдон эгалари 67-дақиқада Усмон Дембеленинг голи билан жавоб қайтарди. Қолган вақтда «Барселона» футболчилари ҳарчанд уринмасин ҳисоб ўзгармади.
«Барселона» 15 ўйинда 25 очко билан 6-ўринда бормоқда, каталонлар 13 учрашув ўтказган «Атлетико»дан 7 очко ортда қолмоқда. «Эйбар» (16) 14-поғонага кўтарилди.
Яна бир марказий учрашув «Севилья» ва «Вильярреал» жамоалари ўртасида кечди. Лукас Окампос ва Юссуф ан-Несеринининг голлари мезбонларга ғалаба олиб келди.
Хулен Лопетеги шогирдлари бу ғалабадан кейин очколарини 26 тага етказиб олди ва 4-ўринга кўтарилди. «Вильярреал» (26) эса 5-поғонада тушди.
Ла Лига
16-тур баҳслари
29 декабрь, сешанба куни
«Барселона» — «Эйбар» 1:1
Голлар: 0:1 – 57 Кике Гарсия, 1:1 – 67 Дембеле.«Барселона»: тер Штеген, Дест (Дембеле, 46), Лангле (Бускетс, 82), Араухо, Фирпо, де Йонг, Пьянич (Коутино, 66), Педри (Пуч, 89), Мингеса, Гризманн (Тринкау, 66), Брэйтуэйт.
«Эйбар»: Дмитрович, Рафа Соареш, Бигас, Бургос (Оливейра, 73), Посо, Кондзер (Ресио, 81), Инуи, Экспосито, Диоп (Куберо, 90), Альварес, Кике Гарсия (Муто, 73).
Огоҳлантиришлар: Альварес (75), Ресио (83).
«Севилья» — «Вильярреал» 2:0
Голлар: 1:0 – 8, пенальти Окампос, 2:0 – 53 ан-Несири.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)