Давлат хизматлари агентлиги Ўзбекистонда янги ҳайдовчилик гувоҳномасини олиш муддати 2021 йил 31 декабргача узайтирилганини ва бунда қайта имтиҳон топшириш шарт эмаслигини эслатиб ўтди.
Маълум қилинишича, аҳолига қулай бўлиши учун эски ҳайдовчилик гувоҳномасини янги намунадагисига алмаштириш 2021 йил 31 декабрга қадар давом этади.
Янги намунадаги ҳайдовчилик гувоҳномасини олиш учун қайта имтиҳон топшириш шартмас.
Бунинг учун қуйидаги ҳужжатлар керак бўлади:
- паспорт;
- эски ҳайдовчилик гувоҳномаси ва талон.
Блогер ва ҳуқуқшунос Хушнудбек Худойбердиевнинг ёзишича, янги намунадаги ҳайдовчилик гувоҳномасини олиш экстерриториал принципда амалга оширилади. Яъни доимий рўйхати (прописка) қайси ҳудудда бўлишидан қатъи назар, юқоридаги суратда номлари келтирилган исталган Давлат хизматлари маркази орқали ҳайдовчилик гувоҳномасини алмаштириш мумкин. Мисол учун, пропискаси вилоятларда бўлганлар Тошкентда ҳам бемалол янгисига алмаштира олади.
Эслатиб ўтамиз, Вазрилар Маҳкамасининг 2017 йил 2 мартдаги 116-сонли қарорига мувофиқ амалдаги миллий ҳайдовчилик гувоҳномаларини янги намунадаги миллий ҳайдовчилик гувоҳномаларига алмаштириш тартиби белгилаб берилган. Янги намунадаги ҳайдовчилик гувоҳномасига шахсни тасдиқловчи ҳужжат мақоми берилган. Масалан, банкларда янги ҳайдовчилик гувоҳномаси билан бемалол хизмат кўрсатилади.
Изоҳ (0)