Ўзбекистонда давомли ер силкинишлари сезилди. Фарғонада зилзила кучи 6 баллга етди

Тошкент вақти билан соат 15:28 да Ўзбекистоннинг бир қатор ҳудудларида ер силкиниши сезилди.

ФВВ Сейсмопрогностик мониторинг Республика маркази хабарига кўра, зилзила Тошкент вақти билан 15:28 да Қирғизистонда содир бўлди. Зилзила эпицентридан Тошкентгача масофа 238 километрни ташкил этади. Эпицентрида зилзила кучи 5,3 магнитуга тенг бўлган, ўчоғи 10 км чуқурликда жойлашган.

Зилзила кучи Фарғона шаҳрида 6 баллни ташкил этган.

Қирғизистонда юз берган зилзиланинг Ўзбекистон шаҳарларида сезилиши:

• Тошкент: 238 км, 3 балл;
• Наманган: 90 км, 4 балл;
• Андижон: 88 км, 4 балл;
• Фарғона: 24 км, 5-6 балл;
• Гулистон: 246 км, 2 балл;
• Жиззах: 325 км, 2 балл;
• Самарқанд: 405 км, 2 балл.

Эслатиб ўтамиз, 6 ноябрь, 10 ноябрь, 12 ноябрь, 19 ноябрь, 26 ноябрь, 30 ноябрь ва 10 декабрь кунлари қўшни давлатларда юз берган зилзила кучи Ўзбекистон ҳудудида сезилган эди.