Warner Bros. Pictures кинокомпанияси афсонавий мультипликация сериали асосида ишланган режиссёр Тим Сторининг «Том ва Жерри» фильми постерини эълон қилди, деб хабар беради «Kg-portal.ru».
Фильм 2021 йилнинг 26 февраль куни кинотеатр ва HBO Max орқали бир вақтда эфирга узатилади.
Бош ролларни Хлоя Грэйс Морес, Майкл Пенья, Роб Дилэйни, Кен Жонг ва Колин Жост ижро этган.
Дунёга машҳур қарама-қаршилик Жерри Нью-Йоркка кўчиб келиб, аср тўйи арафасида шаҳардаги энг яхши меҳмонхонага жойлашганидан сўнг бошланади. Кемирувчидан қутулиш учун маросим ташкилотчиси Томни ёллайди.
«Том ва Жерри» ҳақида тўлиқ метражли фильм суратга олиниши тўғрисида ноябрь ўрталарида маълум бўлганди.
Маълумот учун, мушук ва сичқон ҳақидаги «Том ва Жерри» мультсериали аниматорлар Уиллям Ханн ва Жозеф Барбера томонидан 1940 йилда чиқарила бошланган. Сериал еттита «Оскар»ни қўлга киритган, 1993 йилда тўлиқ метражли «Том ва Жерри» картинаси ҳам тақдим этилган.
Изоҳ (0)