90 йилларнинг энг машҳур ҳинд актрисалари ҳозир қандай кўринишда? (фото)

90 йилларда машҳурликка эришган ҳинд актрисаларини ҳозирда ҳам кино оламида кўриш мумкин. Аммо унчалик ҳам омади чопмаган маҳоратли актрисаларчи? Уларнинг айримлари ўз фаолиятини тўхтатгандир ҳам. Келинг, улар ўтган аср охирларида қандай бўлган-у, ҳозир қандай кўринишда эканини таққослаб кўрамиз.

Равина Тандон

Равина Тандон 1974 йил туғилган. 1991 йил «Тош гуллари» фильмидаги илк дебюти туфайли мукофотга сазовор бўлган. 1995 йилда эса икки қиз фарзанд асраб олган. 2004 йилда турмушга чиқиб, яна икки фарзанднинг онасига айланган.

Нилам Котхаре

Нилам Котхаре 1968 йил таваллуд топган, у модель, заргар ва дизайнерлик билан шуғулланади. Илк бора экранда пайдо бўлганида унинг ёши 20 да бўлган.

Шилпа Шетти

Шилпа Шетти 1975 йил туғилган. Уни ҳозирда тадбиркор, продюсер, модель ва ёзувчи деб аташ мумкин. 2009 йилда тадбиркор Ража Кундра билан оила қурган ва 2020 йилда суррогат она туфайли уларнинг оиласида қиз фарзанд дунёга келди.

Урмила Матондкар

1974 йилда туғилган Урмила телебошловчи ва қўшиқчилик билан шуғулланади. 2016 йилда тадбиркор инсон билан турмуш қурган.

Сонали Бендре

1975 йилда таваллуд топган Соналини модель, раққоса ва телебошловчи сифатида таниш мумкин. 2000 йил режиссёр Горди Бехпаи билан оила қурган. Бир нафар ўғли бор Соналига 2018 йилда саратоннинг жиддий босқичи ташхиси қўйилган. Актриса ҳозирда тикланиш босқичидан ўтмоқда.

Маниша Койрала

Актриса 2004 йил Нью-Йоркда режиссёрлик дипломини олишга муваффақ бўлган. 2010 йилда тадбиркор билан турмуш қуриб, 2 йилдан сўнг ажрашишга қарор қилган. Ўша йили актрисада саратон касаллиги ҳам аниқланган. Ҳозирда унинг аҳволи яхши.

Твинкл Ханна

Ражеш Ханна ва Димпл Кападиянинг қизи Твинкл Ханна 1974 йил дунёга келган. У «Ёмғирли фасл» фильмидаги роли учун мукофотга сазовор деб топилди, шундан сўнг карьерасини якунлади. 2001 йил Акшай Кумарга турмушга чиқди ва икки боланинг тарбияси билан машғул.

Мамта Кулкарни

2012 йилга қадар актриса деярли унутилган эди. У ўз интервьюсида ҳеч қачон турмуш қурмагани ва маънавий йўлни танлаганини маълум қилган.

Пужа Бхатт 

Машҳур Алиа Бхатт Пужанинг синглиси, улар режиссёр Махеш Бхаттнинг қизлари ҳисобланади. Актриса 1989 йил отасининг фильмида илк дебютини ижро этган. 2001 йилдан кейин эса экранларда кўриниш бермаган.

Хушбу

У стюардесса сифатида бутун Европа ва Осиё бўйлаб саёҳат қилган. Актриса хайрия ишлари билан биргаликда фильм ва сериаллар ҳам суратга олади.