Кексайганидан сўнг шуҳрат қозонган Болливуд актрисаларининг ёшлигидаги кўриниши (фото)

Болливуднинг машҳур оналарига айланган актрисалар ёшлигиданоқ кино оламига қадам қўйган. Аммо уларни кўпчилик ёшликдаги роллари билан эмас, айнан она образида яхши танийди.

Нирупа Рой

Нирупа Болливуднинг энг машҳур онаси, деб тан олинган. Ўтган асрнинг 70 йилларида у кўплаб асосий қаҳрамонларни «тарбиялаган», айниқса, Амитабҳ Баччан ва Шаши Капурнинг онаси сифатида ёдда қолган. Шунингдек, унга камбағал ва мазлума аёл қиёфаси жуда мос тушган. Унинг иштирокидаги «Амар, Акбар, Антони», «Девор», «Она», «Оилавий бахт», «Тақдир эгаси» каби фильмлар ҳам муваффақият қозонган.

Нирупанинг актрисалик фаолияти жуда эрта – 15 ёшлигида бошланган. У «Амар Раж» фильмида илк дебютини ижро этган. 22 ёшида эса Бимал Ройнинг дунёга машҳур «Ернинг икки бигҳаси» фильмида суратга тушган ва бир неча мукофотларга сазовор бўлган.

Фарида Жалол

Шоҳрух Хон ва Кажолнинг онасига айланган Фарида Жалолни «Ўғирланмаган келин», «Ҳаётда ҳамма нарса бўлади», «Гоҳи шодлик, гоҳи ғам» каби фильмлар орқали барчага таниш. Аммо маҳоратли актриса ёшлигида кўпроқ иккинчи даражали ролларни ижро этган. Унинг эсда қоларли образлари «Бобби» ва «Садоқат» фильмларидаги ижросидир.

Киррон Кхер

Киррон Кхер ўзининг табассуми билан ҳинд кино оламида хушчақчақ она образини талқин этган. Унинг «Девдас», «Ом Шанти, Ом», «Вир ва Зара», «Кўр муҳаббат» фильмларидаги ижросини севмасликнинг иложи йўқ.

Афсуски, унинг ёшлигидаги кино соҳасида ўз ўрнини эгаллашга бўлган уринишлари беҳуда бўлган. У киноларда фақат кичик ролларни ижро этган бўлса-да, театрда энг талабгир актрисаларидан бири эди. Актриса 50 ёшдан кейингина кино оламида машҳурликка эришган.

Рима Лагу

2017 йилда, афсуски, Болливуд бир меҳрибон онасидан айрилган. Рима фильмларда ҳам худди ҳаётдаги каби беғубор ва меҳр-муҳаббатга тўлган она ролини ижро этиб келган. Унинг иштирокидаги «Севиб қолганман», «Сиз учун кимман?», «Ҳаётда ҳамма нарса бўлади?», «Бизни ажратиб бўлмайди» каби фильмлар машҳурликка эришган.

Риманинг актёрлик фаолияти болалигидан онасининг таъсирида бошланган ва маратха тилида сўзлашувчи актриса сифатида танилган.

Рахи Гулзар

Янги авлод Рахини «Каран Аржун» фильмидаги таниқли ижроси билангина эслайди. Бироқ Рани ҳам машҳур қаҳрамонларга оналик қилган ҳинд актрисаларидан бири бўлган. Жуда ҳам гўзал бўлган актриса 20 ёшидан Бенгал фильмларида роль ижро эта бошлаган. Рахини «Парчаланган ҳаёт» , «Содда қиз» ва «Решма ва Шера» фильмларида бетакрор образларда кўриш мумкин.

Ратна Патхак Шаҳ

Актёр Насируддин Шаҳнинг рафиқаси Ратна ҳинд фильмларида янги авлод онаси сифатида танилган. Ратна кул ранг сочлари билан унутилмас кўринишга эга аёл. Актриса 26 ёшдан буён фильмларда роль ижро этса-да, у ҳақида маълумотлар кам. 1983 йилда «Бозор майдони» фильмида илк дебютини ижро этган.

Дурга Хоте

Дурга «Бобби» фильмида Боббининг бувиси ва машҳур энага Ража роли билан танилган. У карьерасини 26 ёшида, икки боласи билан бева қолганида бошлаган. Шундан сўнг оиласини боқиш учун актриса сифатида иш бошлашга қарор қилган. Ўша даврда аёл образларини ҳам эркаклар ижро этганлиги туфайли Дура Болливуднинг биринчи аёл актрисаларидан бирига айланган.