Мусиқа оламини тарк этган Жаҳонгир Отажонов «Дарё» интернет-нашри учун эксклюзив интервью берди. Интервьюни «Дарё» мухбири Феруз Муҳаммад ташкиллаштирди.
Суҳбат давомида Жаҳонгир Отажонов президентлар билан унутилмас учрашув ҳақида гапириб берди.
Туркия президенти юртимизга ташриф буюрганида «Ўзбекконцерт» мени қидириб қолди. Зотан мени давлат тадбирларига таклиф қилишмасди. Ҳайрон бўлдим. Биз ўшанда Бухорода хизматда эдик.Маълумот учун, Жаҳонгир Отажоновнинг сўнгги икки йил ичида «Қадди баланд», «Жоним», «Жингаламо», «Ўйнасин» каби видео клиплари мухлислар орасида жуда оммалашган эди. Ушбу видео клиплар Youtube тармоғида умумий ҳисобда 60 миллион маротаба томоша қилинган эди. Жаҳонгир Отажонов мусиқа оламини тарк этгандан сўнг Youtube’даги барча концерт ва видеоклипларини ўчириб ташлади.Ўша пайтда «Ўзбекконцерт» раҳбари Одил Абдуқаҳҳоров эди. «Бухорода бўлиб туринг», дейишди. Самарқандга келгандим, тадбир учун яна Бухорога қайтдим. Биласиз, қулайроқ кийимлар кияман. Мени меҳмонхонада кутиб олишиб, костюм-шим, туфли ҳам олиб беришди.
Саҳнага чиқдим, қўшиқ айтдим. Туркия Президенти билан қўл бериб кўришдим, баланд бўйли одам экан. Олдимга келиб, икки минутча кўришиб қолиб кетди. Икки минут унақа ҳолатда жуда кўп. Орқасида бизнинг давлат раҳбари турибди, мен «Президентимиз кутиб қолмадимикин», деб хижолат бўлдим. Чунки ҳаётимда биринчи марта Президент деган шахс билан ёнма-ён туришим эди. Барибир одамда ҳаяжон бўлади.
Эрдўғон менга: «Жаҳонгир сенмисан? Ўғлим Америкада ўқиган, сенинг қўшиқларингни севади. У сенга салом йўллади», деди.
Ўғли Америкада 2000 йилларда ўқиб юрганида «Аразламанг» қўшиғимни қаердадир эшитиб қолган ва унга ёққан экан. У вақтларда интернет бормиди, йўқмиди, билмадим. Бу ҳам бир қисмат. Шу ўғли унга: «Менга ўзбекистонлик хонанданинг қўшиғи ёқади», деганида, балки, бу мени тасаввуримда, ўғлининг омонат гапини етказиш учун Президентимиздан мени сўраган бўлсалар, мени ҳам чақиртиришган бўлиши мумкин.
Хуллас, у шу гапларни менга айтиб, раҳмат айтиб ўтди. Кейин ўзимизнинг давлат раҳбаримиз билан кўришдик. У кишига «Аллоҳ хайрли қилсин ишларингизни», дедим, улар ҳам «раҳмат укажон», деб кулиб ўтиб кетдилар.
Жуда қизиқ бўлган. Соқолим ўсган, ҳеч кимга соқол мумкин эмасди, ўша куни менга мумкин бўлган. Ҳеч ким индамади. Президентлар билан кўришиш насиб қилди.
Жаҳонгир Отажонов
Изоҳ (0)