Фото: Бахтсиз севги туфайли жонига қасд қилишга уринган машҳурлар

Шоу-бизнес вакиллари орасида бир вақтнинг ўзида севги ва азоб тушунчалари синоним бўлган юлдузлар ҳам йўқ эмас.

Бритни Спирс

Бритни Спирс бир неча марта ўз жонига қасд қилганига қарамай, омон қолган. Унинг ҳаётидаги қийин вақтлар Кевин Федерлайн билан ажрашганидан кейин бошланган. Бу вақтда хонанда депрессияга тушган ва спиртли ичимлик ва наркотикларга ўрганиб қолган, сезиларли даражада вазн ташлаган. Айни вақтда Бритни ўзини яхши ҳис қилади, аммо руҳий муаммолар билан курашишга ҳали ҳамон муваффақ бўлганича йўқ.

Хелли Берри

Хелли ҳам Дэвид Жастис билан 1997 йилда турмуш қурган ва бир неча йилдан кейин айрилгач ўз жонига қасд қилмоқчи бўлган. У машинада ўтирганида салон ичи газ билан тўлаётганини сезганидан кейин кўз ўнгида онаси гавдаланган. Онаси у учун қилган меҳнатларидан кейин онасига бир оғиз сўз айтмай, ҳаётни тарк этишни худбинлик деб ҳисоблаган.

Эминем

Рэпер 1996 йилда севгилиси Ким Скотт уни тарк этганидан кейин кучли таъсирга эга дорини меъёридан ортиқ истеъмол қилган. Ҳаётни тарк этишига бир бахя қолган Эминем кейинчалик ижоддан таскин топишга ҳаракат қилган. Шунча уриниш бесамар кетмаган, жонига қасд қилганидан бир йил кейин у концерт берган.

Малика Диана

Малика Диана ва шаҳзода Чарльз турмушини бахтли деб бўлмас эди. Диана турмуши давомида ўзини ёлғиз ҳис қилган ва депрессияга тушган. У берган интервьюлардан бирида жуда ҳам оғир, тушкун аҳволда бўлгани, томирини кесгани ҳам Чарльзнинг бефарқлигини тўхтата олмаганини таъкидлаган. Диана тўрт маротаба ўз жонига қасд қилмоқчи бўлганидан кейин Елизаветта II жуфтликнинг ажрашишига рухсат берган.

Надежда Бабкина

Надежда Бабкина бир вақтлар ҳомиладорлик вақтида жонига қасд қилмоқчи бўлгани ҳақида 2020 йилда маълум қилган. Бунга эрини хиёнат устида тутиб олгани сабаб бўлган. Ўзини 7-қават деразасидан ташламоқчи бўлганидан кейин қорнидаги боласини кўзи қиймаган хонанда ўзини қўлга олишга қарор қилган.