Foto: Baxtsiz sevgi tufayli joniga qasd qilishga uringan mashhurlar

Shou-biznes vakillari orasida bir vaqtning o‘zida sevgi va azob tushunchalari sinonim bo‘lgan yulduzlar ham yo‘q emas.

Britni Spirs

Britni Spirs bir necha marta o‘z joniga qasd qilganiga qaramay, omon qolgan. Uning hayotidagi qiyin vaqtlar Kevin Federlayn bilan ajrashganidan keyin boshlangan. Bu vaqtda xonanda depressiyaga tushgan va spirtli ichimlik va narkotiklarga o‘rganib qolgan, sezilarli darajada vazn tashlagan. Ayni vaqtda Britni o‘zini yaxshi his qiladi, ammo ruhiy muammolar bilan kurashishga hali hamon muvaffaq bo‘lganicha yo‘q.

Xelli Berri

Xelli ham Devid Jastis bilan 1997-yilda turmush qurgan va bir necha yildan keyin ayrilgach o‘z joniga qasd qilmoqchi bo‘lgan. U mashinada o‘tirganida salon ichi gaz bilan to‘layotganini sezganidan keyin ko‘z o‘ngida onasi gavdalangan. Onasi u uchun qilgan mehnatlaridan keyin onasiga bir og‘iz so‘z aytmay, hayotni tark etishni xudbinlik deb hisoblagan.

Eminem

Reper 1996-yilda sevgilisi Kim Skott uni tark etganidan keyin kuchli ta’sirga ega dorini me’yoridan ortiq iste’mol qilgan. Hayotni tark etishiga bir baxya qolgan Eminem keyinchalik ijoddan taskin topishga harakat qilgan. Shuncha urinish besamar ketmagan, joniga qasd qilganidan bir yil keyin u konsert bergan.

Malika Diana

Malika Diana va shahzoda Charlz turmushini baxtli deb bo‘lmas edi. Diana turmushi davomida o‘zini yolg‘iz his qilgan va depressiyaga tushgan. U bergan intervyulardan birida juda ham og‘ir, tushkun ahvolda bo‘lgani, tomirini kesgani ham Charlzning befarqligini to‘xtata olmaganini ta’kidlagan. Diana to‘rt marotaba o‘z joniga qasd qilmoqchi bo‘lganidan keyin Yelizavetta II juftlikning ajrashishiga ruxsat bergan.

Nadejda Babkina

Nadejda Babkina bir vaqtlar homiladorlik vaqtida joniga qasd qilmoqchi bo‘lgani haqida 2020-yilda ma’lum qilgan. Bunga erini xiyonat ustida tutib olgani sabab bo‘lgan. O‘zini 7-qavat derazasidan tashlamoqchi bo‘lganidan keyin qornidagi bolasini ko‘zi qiymagan xonanda o‘zini qo‘lga olishga qaror qilgan.