Мусиқа оламини тарк этган Жаҳонгир Отажонов «Дарё» интернет-нашри учун эксклюзив интервью берди. Интервьюни «Дарё» мухбири Феруз Муҳаммад ташкиллаштирди.
Жаҳонгир Отажонов суҳбат давомида уйсиз қолган даврлари ҳақида гапириб берди.
Биз яхши, ўзига тўқ оилада дунёга келганмиз. Отам ҳам, онам ҳам зиёли инсонлар. Отам санъаткор эди, тўйларга борарди. Биз фарзандларимизни ҳозир қанақа ўстираётган бўлсак, ўзимиз ҳам шундай тўқ ўсганмиз.Маълумот учун, Жаҳонгир Отажоновнинг сўнгги икки йил ичида «Қадди баланд», «Жоним», «Жингаламо», «Ўйнасин» каби видео клиплари мухлислар орасида жуда оммалашган эди. Ушбу видео клиплар YouTube тармоғида умумий ҳисобда 60 миллион маротаба томоша қилинган эди. Жаҳонгир Отажонов мусиқа оламини тарк этгандан сўнг YouTube’даги барча концерт ва видеоклипларини ўчириб ташлади.Шунақа синов келдики, қийналиб қолдик. 8-синфдан кейин ўқимасликка мажбур бўлдик. Бозорда ишладик. У давр ўтди. Санъаткор бўлишни орзу-ҳавас қилдик. Санъаткор бўлдик. Санъаткор бўлганимдан кейин уйимизга ҳар хил одамлар кела бошлашди. Уйимиз оддий, тоғам бергандилар. Бизга пулсиз берган эдилар. Барибир ҳисоб-китоб қилишимиз керак эди.
22 ёш эдим. Одамлар келавергач, уялиб, уйни икки қаватли қилиб қурдим. 2000 йиллар, янги чиққан пайтларим. Уй қурганимдан кейин тушунмовчиликлар бошланди. Тоғам пул сўради. Бизнинг режамиз, масалан, маҳалладаги уй 10 сўм бўлса, биз ҳам 10 сўм берсак, бўлар қабилида эди.
Бошида мен бир қисмини берганман, лекин келишолмадик: 10 сўмлик жойга 20 сўм сўради. Ўша пайти уйга 105 минг доллар пул кетган. 2000 йилда бу жуда катта пул эди. Тоғамдан ҳозир хафа эмасман, барибир бизга ўша пайти яхшилиги тегган, лекин ўша пайтда хафа бўлганман.
Уй жуда чиройли бўлган, икки қаватли уйлар кам эди. «Аъло-аъло» деган клипим ўша уйда олинган. Хуллас, келишмовчилик бўлди. Тоғамга э, боринг-эй, дедим. Аслида қариндошчиликда бу нарса нотўғри.
Тоғам менга жаҳл қилди: Мен сенга шунча яхшилик қилганим учун шунақа дедингми, деб судга бериб юборди.
Уй уларнинг номида эди. Суд бўлди. Уй улар номидалиги учун судда улар ютди. Судда тоғам «Ҳовлимдан уйингни кўтариб чиқ», деди. Мени ҳам жаҳлим чиққан: 30-40 та уста йигитларни Чорсудан олиб бориб, бир ҳафтада уйни текислатганман. Ҳамма нарсаларни Ҳасанбойда ерим бор эди, ўша ерга кўчиртирганман.
Ўша куни уйсиз қолганман. Уй ижарага олиб яшаб турдик. Лекин Яратганнинг синови. Ўша пайт ҳам намоз ўқир эдим, умуман тушкунликка тушиб қолмадим. Фақат Аллоҳдан тўғри йўл сўрадим. Кейин бундай уйларнинг кўпини олдим.
Жаҳонгир Отажонов
Изоҳ (0)