Бугун,

  • USD 11014.01
  • RUB 191.8
  • EUR 10674.78

Россия президенти Владимир Путин собиқ президентларга умрбод сенатор бўлиш имконини берадиган қонунни имзолади, деб хабар бермоқда Meduza.

Фото: Россия президенти матбуот хизмати

Фото: Россия президенти матбуот хизмати

Қонунга кўра, ваколатлари янги қонун кучга киргунга қадар тугатилган давлат раҳбари исталган вақтда Федерация Кенгашига ариза билан мурожаат қилиши мумкин, деб ёзмоқда «РБК». Агар президентнинг ваколатлари ҳужжат имзоланганидан кейин тугаган бўлса, у 3 ой ичида сенатор мақомини олиши мумкин.

Шунингдек, янги ҳужжат президентга 30 нафар сенаторни тайинлаш ҳуқуқини беради, улардан етти нафари давлат ва жамоат фаолияти соҳасида улкан ютуқларга эга бўлса, умрбод аъзолик олишлари мумкин.

Собиқ президент умрбод сенатор бўлмоқчилиги тўғрисида ёзма равишда хабардор қилиши лозим. Федерация Кенгашида умрбод қолиш ҳуқуқидан фақат бир марта фойдаланиш мумкин. Собиқ президент умрбод сенатор бўлиш ҳуқуқидан воз кечиши ҳам мумкин.

Аввалроқ Россия Давлат думаси депутатлари мамлакат собиқ президентларининг дахлсизлигини кафолатловчи қонунни учинчи ўқишда қабул қилгани ҳақида хабар берилган эди. Қонунга кўра, собиқ президент жиноий ёки маъмурий жавобгарликка тортилмаслиги, уни ҳибсда ушлаб туриш, сўроқ қилиш, тинтув ўтказиш каби чораларни қўлламаслик кафолатланади.

Изоҳ
Асосий янгиликлар