Енгил вазн тоифасида ҳаракат қилувчи россиялик яккакурашчи Ислом Махачев (18-1) 6 март куни UFC 259 мусобақасида жанг қилади.
MMAJunkie’нинг хабар қилишича, Исломга рейтингнинг 15-рақамли жангчиси Дрю Добер (23-9) рақиб бўлади.
Таъкидлаш жоиз, Махачев ва Добер ўртасидаги жанг 2016 йилда бўлиб ўтиши режалаштирилган, бироқ россиялик яккакурашчининг допинг тестидаги муаммолари сабаб бекор қилинганди.
Махачев 2020 йилнинг кузида Рафаэл дос Аньосга қарши жанг қилиши белгиланганди. Бироқ беллашув аввалига бразилиялик яккакурашчининг коронавирусга чалингани оқибатида қолдирилди, кейин эса Махачевнинг бетоблиги важ қилиниб бекор бўлди. 29 ёшли спортчи 2019 йилнинг сентябридан бери жанг қилгани йўқ.Махачев ва Добер иштирокидаги жангларни бу ерда кўриш мумкин — ҳавола
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)