«Реал» клуби ва Испания терма жамоаси собиқ дарвозабони Икер Касильяс мадридликлар фонди бош директори ўринбосари лавозимига тайинланди. Бу ҳақда «қаймоқранглилар» матбуот хизмати маълум қилди.
Касильяс — «Реал» афсонаси, у клуб қадриятларини ифода этади, тарихимиздаги энг яхши дарвозабон ҳисобланади. Унинг спортдаги фаолияти ва инсонийлик салоҳиятлари юксак мукофотлар билан эътироф этилган. «Реал» буюк сардорлардан бири уйга қайтганидан фахрланади.Касильяс «Реал» тарбияланувчиси ҳисобланиб, 1998—2015 йиллар мобайнида клуб либосини ҳимоя қилган. У «Реал» сафида 19 та совринга эга чиққан: учта Чемпионлар Лигаси, учта клублар ўртасида ЖЧ, иккита Европа Суперкубоги, бешта Ла Лига, иккита Испания Кубоги ва тўртта мамлакат Суперкубоги. Испания терма жамоасида эса 167 та ўйин ўтказиб, жаҳон чемпионлигини қўлга киритган ва икки марта Европа чемпионати ғолибига айланган.«Реал Мадрид» матбуот хизмати
Эслатиб ўтамиз, дарвозабон 2019 йилнинг март ойида «Порту» машғулотида юрак хуружини бошдан кечирди ва шундан кейин майдонга қайтмади. 2020 йилнинг август ойида Икер фаолиятини якунлагинини расман маълум қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)