Бутун пандемия даврида дунё бўйлаб 1,7 миллиондан ортиқ киши коронавирус оқибатида вафот этган, деб хабар беради «Коммерсантъ» Жонс Ҳопкинс университети маълумотларига таяниб. Касалликни юқтириб олганлар сони 77,3 миллиондан ошган, шуларнинг 43,5 мингдан зиёди соғайган.
Касалланганлар сони бўйича биринчи ўринда АҚШ (18 миллион киши), иккинчи ўринда Ҳиндистон (10 миллион) ва учинчи ўринда Бразилия (7 миллион) турибди. Ўлимлар сони бўйича ҳам АҚШ етакчилик қилмоқда (319 минг), ундан кейинда Бразилия (187 минг) ва Ҳиндистон (145,8 минг) бормоқда.
Россия беморлар сони бўйича тўртинчи (2,8 миллион), вафот этганлар сони бўйича эса тўққизинчи (50,7 минг) ўринда турибди.
21 декабрь куни Россияда сутка давомида 29 350 кишида коронавирус аниқланиб, пандемия бошидан буён касалланганлар сони ортиши бўйича тарихий рекорд ўрнатилгани хабар берилган эди.
Шу куни Буюк Британияда бир кеча-кундузда 35,9 минг киши коронавирусни юқтириб олгани, бу пандемия давридаги энг юқори кўрсаткич бўлгани хабар берилди.
Изоҳ (0)