Ҳарорат, об-ҳаво, қуёшнинг ультрабинафша нурлари, зарарли одатлар, тўйиб ухламаслик ва шу каби бошқа омиллар саломатлик, хусусан, тери аҳволига ҳам салбий таъсир ўтказади ва бу киши юзида ўз аксини топади. Бундай вазиятда юздаги муаммоларни косметик воситалар билан яшириб юрмаслик, мавжуд ёки энди-энди пайдо бўлаётган ажин, тошма ва бошқаларни бартараф қилишга ҳаракат қилиш керак. Кўп ҳолларда юзни массаж қилиш, ниқоб ёки бошқалар самара бермаслиги ва косметик инъекцияларни амалга оширишга тўғри келиши мумкин. Аммо бундан аввал қандай муолажадан қайси вақтда фойдаланиш ва қандай натижа бериши ҳақида маълумотга эга бўлиш керак.
Ботулотоксин
Юздаги ажинларни кетказиш учун мимика мушакларига таъсир қиладиган ботулинотерапия косметологияда энг кўп тарқалган муолажалардан бири саналади. Инъекцияда қайси препаратдан фойдаланиш, косметолог текширувидан кейин маълум бўлади. Беморнинг эркак ва аёллиги, териси ҳатто касбига қараб ҳам танлов ўзгариши мумкин. Чунки айрим касб эгалари масалан, санъаткорларда таъсири кўпроқ билинадиган препарат керак бўлиши мумкин. Ботулотоксин терига эмас, мушакларга таъсир кўрсатиш орқали натижа беради. Препарат нерв ва мушаклар ўртасидаги алоқага таъсир ўтказади. Мушаклар қон билан таъминланади, меъёрда вазифасини бажаради, аммо қисқармайди. Мимика мушаклари терига бириккан бўлади. Ёш ўтгани сайин коллаген ва эластин миқдори камайгани ҳисобига ажинлар пайдо бўлади.
Агар ажинлар юзга қараганда шундоқ кўзга кўринадиган бўлса, ботулотоксин ёрдам беролмаслиги мумкин. Бу муаммони кетказиш учун ажинларни гиалурон кислотасидан фойдаланиш ва бошқа аппаратли методларни амалга ошириш керак бўлади.
Ботулотоксин эса мушакларни тинчлантиради, терини таранглаштиради ҳамда ажинларни камроқ кўрсатади. Ажинлар пайдо бўлганидан кейин уларни йўқ қилиш ҳақида бош қотиргандан кўра, уларни олдини олиш тавсия қилинади.
Биоревитализация ва мезотерапия
Ушбу ҳар икки муолажа ҳам тери гидрорезервасини тўлдириш, парваришлаш, аминокислота, микроэлемент ва пептидлар билан бойитиш қолаверса, коллаген ва эластин ишлаб чиқарадиган ҳужайралар яъни фибробластларни фаоллаштириш мақсадида амалга оширилади. 25 ёшдан кейин фибробластларнинг табиий ишлаб чиқариш хусусияти камаяди ва қўшимча ёрдам керак бўлади.
Биоревитализацияни амалга ошириш учун гел кўринишидаги гиалурон кислотасидан фойдаланилади. Муолажа уч мартадан кўп олиб борилмайди, терининг турига қараб энг кўпи билан беш марта бўлиши мумкин.
Мезопрепаратлар
Мезопрепаратлар гиалурон кислотасини ичига олиши ёки олмаслиги ҳам мумкин. Суюқ ҳолда бўлгани учун мезококтейл деб аталади. Унинг таркибида гиалурон кислотадан ташқари, витамин, минерал ва ўсимлик экстрактлари бўлиши мумкин. Шу сабаб ҳам мезопрепаратлардан, ҳуснбузар ва бошқа дерматологик, трихологик муаммоларни бартараф қилишда самарали фойдаланилади. Мутахассислар, максимал натижага эришишни истайдиганлар учун биоревитализацияни, 25-30 ёшдаги териси яхши аёл ва қизлар учун эса мезотерапияни тавсия қилади. Ҳар икки муолажани ўтказишдан аввал кўп суюқлик ичиш керак, шунда самара яна-да тезроқ сезилади.
Плазмотерапия
Плазмотерапия беморнинг тромбоцитлардан иборат қон плазмасини тери остига юбориш орқали амалга ошириладиган инексион муолажа. Тромбоцитлар организмнинг шикастланган ҳужайраларини тиклаш ва уларнинг регенерацияда муҳим рол ўйнагани сабаб ҳам ушбу усул билан даволаш кўп ҳолларда самара беради. Сочларнинг ўсишини финекаоллаштириш учун трихологик муолажада ҳам қўлланилиши мумкин. Бошқа муолажалар билан бирга амалга оширилганда, плазмотерапия ҳуснбузар ва бошқа муаммоларда ижобий натижа бериши, яллиғланишга қарши таъсир кўрсатиши мумкин.
Эрта қаришни оладиган муолажаларда плазма, ҳужайралар регенерацияси ва коллаген-эластин толаларнинг янгиланиши, шунингдек, тери ранги ва кўринишини яхшилайди.
Филлерлар
Ёшга хос ўзгаришларни коррексияси учун қўлланадиган филлерлар асосида гиалурон кислотаси бўлади ва ундан контур пластикаси учун фойдаланилганда терида камида бир ой туради. Аммо аксари ҳолларда қанчалик узоқ туриши турмуш тарзи ҳамда кишида мавжуд касалликларга ҳам боғлиқ бўлади. Масалан, гипотериозда гиалуронидаз ферменти миқдори юқори бўлади ва бу гиалурон кислотасига салбий таъсир қилади.
Филлерларни шартли равишда учга бўлиш мумкин:
Юмшоқроқ филлерлар
Пешона, кўз бурчагидаги ва бурун атрофидаги кичик ажинлар ва лабни номига намлантириш учун ишлатилади.
Ўртача филлерлар
Бўйиндаги ажинлар, бурун атрофидаги ва лаб контур пластикаси, осилиб қолган оғиз бурчагини юқорига кўтариш шунингдек, қулоқ пластикасида ҳам ишлатилади.
Қаттиқ филлерлар
Яноқларни катталаштириш, ияк ва чакакни, аниқроқ айтганда юз шаклини ўзгартириш ва ундаги айрим қисмларга урғу беришда фойдаланилади.
Коллогенастимуляторлар
Филлерлар юздаги коллаген ишлаб чиқарадиган ҳужайраларга ижобий таъсир қилгани билан асоси калций гидроксиапатитдан иборат бўлган препаратлар энга яхши самара беради. Юз ва бўйинга қўлланилганда, коллаген синтезини фаоллаштиради. Беморнинг ёшига қараб бир ёки икки муолажа тавсия қилиниши мумкин.
Липолитиклар
Липолитик ёғни парчалаш хусусиятига эга бўлган препаратлар бевосита тўғридан-тўғри ёки тўғри ёғ ҳужайраларига таъсир қилмайдиганга бўлинади. Иккинчиси микроциркуляцияни яхшилаб, озишга таъсир қилиши мумкин.Ёғ қатлами қалин бўлмаган тана қисмлари масалан юзга, тўғридан-тўғри таъсир қилмайдиган липотиклардан фойдаланган маъқул. Тана учун тўғридан-тўғри таъсир қиладиган ёки ҳар иккисининг комбинациясидан фойдаланилган яхши. Аммо липолитиклар ёрдамида озиш мумкин эмас, шунчаки маълум тана қисмининг ўзинигина кичрайтириш мумкин. Спорт ва парҳез тутганда ҳам кирмайдиган танадаги қисм масалан, юз тагининг осилгани, қорин ва тиззадаги ёғларни кетказиш учун айни муддао.
Муолажани умумлаштириш мумкинми?
Инъекцияларни бир вақтни ўзида ёки орасида бироз тафовут билан умумлаштириш мумкин. Шунингдек, ботулотоксин ва мезококтейлларни ҳам комплекс қўллаш мумкин ва бу нейромезолифтинг деб аталади. Аввалига беморнинг пешона ва қошлари орасидаги муаммоли қисмлар ботулотокс билан ишлов берилади кейин эса бутун юзга ботулотоксин қўшилган мезококтейлдан фойдаланиб муолажа амалга оширилади. Ушбу муолажадан кейин терининг ёғланиши, майда ажинлар ва қизариш каби муаммолар бартараф бўлади. Бу даволаш муолажаси эмас, аммо ундан кейинги эстетик самара 2 ҳафтадан кейин сезилиб, 4-6 ойгача давом этади.
Изоҳ (0)