Блефаропластика – сўнгги йилларда замонавий пластик жарроҳлик ва косметология энг машҳур йўналишлардан бири ҳисобланади. Бу орқали пастки ва юқори кўз қовоқларининг ёшга боғлиқ ўзгаришларини ёки туғма нуқсонларни бартараф этишга ёрдам беради. Маълум бўлишича, бундай жараёнда терига тиғ теккизиш шарт эмас.
Блефаропластиканинг кўплаб турлари мавжуд бўлиб, улар асосий икки гуруҳга бўлинади: операция йўли билан ва жарроҳликсиз.
Жарроҳликсиз амалга оширалидагин блефаропластика ҳам тежамкор, ҳам кам шикаст етказади. Ўз навбатида у ҳам инъекцияли ёки усиз ҳам амалга оширилади. Уколсиз блефаропластиканинг барча турлари терининг юқори қатлами ҳужайраларини янгилашга ва чуқур қатламни қисман йўқ қилишга қаратилган. Кўз қовоқларининг териси тортилиб, йўқ қилинган ҳужайралар коллаген ва эластин билан алмаштирилади. Ушбу турдаги блефаропластика таъсир қилиш турига қараб бўлинади. Иссиқ, электр токи ёки лазер таъсирида ҳам бўлиши мумкин. Аммо натижа ҳаммада бир хил бўлади: Терининг сиртки қатламини янгилаш ва ички қатламини қисман йўқ қилиш, шунда улар бириктирувчи тўқима билан алмаштирилади ва қалинлашади.
Укол ёрдамида блефаропластика кўз қовоқлари терисини озиқлантиришга қаратилган. Булар терини намлайдиган витамин, гиалурин кислотаси, мушакларни юмшатувчи ва силлиқлаштирувчи ботокс инъекциялари бўлиши мумкин. Липолитик дори таъсирида кўз қовоқлари ҳудудидаги ёғ бирикмалари йўқ қилинади.
Блефаропластика жарроҳлиги
Бу жараёнда жарроҳлик технологиялари операцияни минимал аралашув билан бажаришга ёрдам беради, бу эса терини камроқ шикастлантиради. Шунингдек, замонавий техника операцияни қонсиз амалга оширишга ва чандиқ қолдирмасликка имкон беради. Шу билан бирга мутахассис терини жуда тез тузалишига ёрдам беради. Операцион ҳолат жарроҳликсиз амалга ошириладиган муолажага қараганда узоқроқ таъсирга эга. У тахминан 10 йил давом этади.
Блефаропластикага қарши кўрсатмалар
Блефаропластика ҳар қандай ёшда ҳам амалга оширилиши мумкин, аммо бунга эҳтиёж кўпинча 35 ёшдан кейин пайдо бўлади. Қўллаш мумкин бўлмаган ҳолатларга чандиқни даволашга халақит берадиган касалликлар киради. Агар мижозда қандли диабет, саратон пайдо бўлиши эҳтимоли мавжуд бўлса, блефаропластикани амалга ошириш мумкин эмас.
Реабилитация даври
Блефаропластикадан сўнг тикланиш анъанавий косметик муолажалардан узоқ давом этмайди. Агар кўз атрофида шиш, кўкариш бўлса, операциядан кейинги етти кун ичида йўқолади ва ўнинчи кундан бошлаб косметик воситалардан фойдаланиш мумкин.
Изоҳ (0)