Услубни бутунлай ўзгартира оладиган миди юбкаларнинг 6 афзаллиги (фото)

Агар гардеробингизда тиззадан тушиб турувчи бирорта узун юбкангиз бўлмаса, ушбу камчиликни зудлик билан тўлдиришга ҳаракат қилинг. Қуйидаги маслаҳатлардан сўнг, албатта, ундан фойдаланиш истаги туғилишига ишонамиз.

Нафисликни соғинганлар учун миди юбка энг керакли кийим ҳисобланади. Калта ёки тор юбкалар ортиқча вазнни ёки ҳаддан ортиқ озғинликни яққол намоён қилади. Шунингдек, улар учрашув ва йиғилишларда ҳам ноқулайлик туғдиради. Жуда узунлари ҳам бироз муаммоларга сабаб бўлиши мумкин. Шунинг учун тиззадан пастга тушиб турувчи юбкалар ҳам бўйни, ҳам қоматни меъёрда кўринишига олиб келади.

Жуда нозик ишлов берилган кофта ва юбка ҳам костюм билан ажойиб уйғунлик касб этади. Айниқса, костюм бўксага қадар тушиб турса. Одатда бу каби урфга кирган кенг ва каттароқ ўлчамдаги костюмлар кўпроқ миди юбкалар билан комбинация қилинади. Замонавий қиёфа яратиш учун юбкага мос келувчи жуда нафис ва юпқа кофтадан фойдаланиш тавсия этилади. Сабаби миди юбка ҳарир матодаги кийимлар билан мос тушади.

Миди юбкаларнинг афзаллиги шундаки, у енгил ёки классик услубдаги кофталар билан ҳам уйғунлаша олади. Агар юбка матоси нақш ва гуллардан иборат бўлса, унинг рангига мос келган оддий кофта ёки футболка ҳам услубни янада замонавийлаштиради. Шунингдек, бу турдаги юбкалар учун оёқ кийимлар танлаш ҳам қийин эмас. Расмий учрашувларга баланд пошна, дўстлар билан йиғилишга шунчаки кроссовка ҳам кийиш мумкин.

Тиззадан пастга тушиб турувчи юбкалар ҳар қандай хонимларнинг қоматини гўзаллаштириб кўрсатади. Ҳаттоки совуқ мавсумда ҳам атлас матосидан тикилган юбкалар пальто ёки кардиганлар ичида жуда чиройли кўринади. Агар ўта расмий ва обрўли кўринишни истайдиганлар бўлса, у ҳолда ушбу узунликдаги юбканинг қалин ва зич матолигини кийиш тавсия этилади.

Бел айланасидан тиззага қадар тушган юбкалар калта костюмлар билан ўзгача кўринишни ҳосил қилади. Шунингдек, ортиқча вазн ёки паст бўйни ҳам узунроқ кўрсатади. Қоматни алоҳида таъкидловчи ушбу юбка агар тор бўлса, ҳар қандай хоним ўзини озғин ва баланд бўйли деб тасаввур қилиши мумкин.

Ҳаттоки ҳомиладор аёллар ҳам миди юбкалардан унумли фойдаланиши мумкин. Юмшоқ ва чўзилувчан матодан тикилган бундай юбкалар бўлажак онага ноқулайликлар келтириб чиқармайди ва узунлиги билан оёқларни яширишга ёрдам беради. Агар миди юбкаларга мос равишда кофта, свитер танланса, ҳомиладорлар ҳам ўзини ихчам ва нозик кўринишда эканлигига ишонтириши мумкин.