Кийиниш борасида турли қарашлар мавжуд, аммо уларнинг ҳаммаси ҳар доим ҳам тўғри бўлмаслиги мумкин.
Бошдан-оёқ қора кийиниш озғин кўрсатади
Ихчамроқ кўрсатиши рост, лекин бунинг учун бичими маромида бўлиши керак. Масалан, Алла Пугачёва киядиган услубдаги либос, қоматни тушунарсиз кўрсатади. Шунингдек, сочи ва тери ранги қора бўлганларнинг қора костюм-шим ёки юбка кийиши ҳам дидли кўринмайди. Ёрқин ва ранг-баранг аксессуар, деталлар қўшилганида эса образ бошқачароқ кўринади.
Оч шим ёки юбка тўла кўрсатади
Тўғри танланса, асло тўла кўрсатмайди. Бичими кенг ва четида чизиқлари бўлган шим қоматни чиройли кўрсатади. Оч шим билан тўқ ҳамда узунроқ жакет ҳам дидли туради. Бўксани ёпиб тургани ҳисобига қоматдаги муаммолар кўзга ташланмайди.
Ёрқин урғу бериш ҳамиша иш беради
Ҳар доим ҳам ундай бўлавермайди. Бу кўриниш билан боғлиқ. Классик қиёфага эга кишиларга ёрқин урғу берилган кийим-кечак ярашмаслиги мумкин. Шу сабабдан тери ва соч ранги, қоматга мувофиқ равишдаги рангли либосларни танлаш керак.
Келишган қадди-қоматга ҳамма тренд ярашаверади
Қомати моделларникидек бўлганларга ҳам ҳамма либос ярашавермайди. Бир либос ҳар хил қиз ва аёлларга турлича ярашиши мумкин. Маликага ярашган либос Дилбарга ярашмаслиги мумкин ва бу табиий ҳол.
Изоҳ (0)