Ўқув ва иш жойларида байрамолди зиёфатлари бошланишига ҳеч қанча вақт қолмади. Бу борада аёлларни доимгидек бир савол ўйлантираётган бўлиши аниқ. Байрам учун ҳар йилгидан ҳам кўра чиройли ва ўзгача кўринишда бўлиш учун, аввало, нималар кийиб бўлмаслиги ҳақида билиб олиш керак. Шунда саволга жавоб топиш ҳам унчалик қийин кечмайди.
Баданранг кўйлак
Зиёфат бу – айнан сизнинг туғилган кунингиз шарафига нишонланмаётгани аниқ. Бу умумий байрам зиёфати. Шунинг учун бундай кўнгилочар йиғилишларда алоҳида ажралиб, ҳамманинг эътиборини тортиш шарт эмас. Шунингдек, бу каби ноқулайлик туғдирадиган либослар ҳамкасблар даврасида кийиш учун тўғри келмайди.
Узун либос
Жуда ҳам узун либослар байрам зиёфати учун, албатта, ноқулайлик келтириб чиқаради. Уларни, асосан, тўй оқшомларига кийиш тавсия этилади. Байрамолди жамоавий йиғилишларига тиззадан бироз тушиб турувчи, соддароқ либосни танлаган маъқул.
Кундалик кофта
Офис ёки ўқиш учун кийиладиган юбка ёки шим билан бироз ялтироқ, аммо зиёфатга мос бўлмаган кофтани бирлаштириш тўғри келмайди. Бундай комбинацияни шунчаки офисдаги қандайдир йиғилишлар учун кийиш мумкин. Зиёфат либоси ишхона учун мўлжалланган бўлиши керак эмас.
Офис либослари
Байрам учун расмий костюм танлаш ҳам навбатдаги камчиликлардан бири ҳисобланади. Биринчидан, бу каби расмий услуб ҳар қандай зиёфат учун қулай эмас. Ўз номи билан расмий ҳисобланган кийим зиёфатда ўйнаб-кулишга тўсқинлик қилиши мумкин. Шунингдек, кийим эгасига гўёки офисда ўтиргандек ҳисни беради. Бу билан инсон нафақат ўзига, балки атрофдаги қулай муҳитга ҳам халақит бериши мумкин.
Тўрли колготка
Ҳақиқатан ҳам безакли ва нақшли колготкалар қандай либослар билан мос тушиши ҳанузгача маълум эмас. Нима бўлганда ҳам ушбу услубдан энг ажойиб байрам зиёфатида фойдаланмаслик тавсия этилади.
Ноқулай либос
Корсетли, ўта очиқ ёки баъзида ажралиб кетиши мумкин бўлган либослар зиёфатларда бироз кўнгилсизликларни келтириб чиқаради. Шунингдек, ҳамманинг эътибори айнан шу камчиликка тушаётгандек туюлади. Натижада тинимсиз равишда кийим тўғрилаш билан овора бўлиш мумкин. Бу тартибда байрам зиёфати ҳам кўнгилдагидек ўтмайди.
Ортиқча заргарлик буюмлари
Одатда аёллар йил давомида ҳеч қандай заргарлик тақинчоқларидан фойдаланмайди. Аммо йил охирида дўконларда бошланган чегирмалар туфайли улардан бир қанчасини сотиб олади ва иложи борича барчасини бирданига байрам зиёфатига тақишни режалаштиради. Бундай кўриниш билан аёллар қўпол қилиб айтганда, байрам арчасига ҳам ўхшаб қолиши мумкин.
Мўйна
Мўйнали кийимлар байрам зиёфатлари учун мос эмас. Бундай либос кўпроқ катта тақдирлаш маросимида қизил йўлакдан юриб кираётганлар учун ўзгача кўриниш ҳосил қилади.
Изоҳ (0)