«Дейнерис, дастхат бериб юбор». Ҳамкасбларига мухлислик қиладиган Голливуд юлдузлари (фото)

Миллионлаб томошабинларга эга санъат вакилларини бошқа бир юлдузнинг ашаддий мухлиси эканини тасаввур қилиш қийин. Аммо ўнлаб камера ва журналистлар олдида ўзини йўқотмаган ижодкорлар орасида, кумирини кўрганда ўзини йўқотиб қўядиган ва айтарга сўз топа олмайдиганлари йўқ эмас.

Крис Хемсворт ва Бред Питт

Marvel фильмларида бош қаҳрамон ролини ижро қиладиган Крис Бредни кўрганда машҳурлигини унутиб, мухлислиги эсига тушади. «Бир куни Голливудда» фильмининг премьерасида Питт қўл бериш учун Хемсвортнинг олдига келганида у қучоқлаб кўришишни истаган. Бред буни табиий қабул қилган ва қўриқчилари Крисни безовта қилмаган. Шундан кейин Хемсворт Бред ўйлаганидек меҳрибон ва ажойиб инсон эканлигини билдирган.

Селена Гомес ва Женнифер Энистон

2011 йилларда ёш Селена дастур қаҳрамони Женнифер бўлган телешоуда иштирок этган. Гомес актриса ижросидаги Рейчел қаҳрамони у учун севимли бўлганини таъкидлаган. Бунга табассум билан жавоб берган Энистон бирга суратга тушишни таклиф қилган.

Женнифер Лоуренс ва Билл Мюррей

2015 йилдаги «Комик-кон» тадбирида «Оскар» мукофоти совриндори кумири Билл билан учрашиш бахтига муяссар бўлган. «Ҳаёт мамот ўйинлари» фильмининг пресс-конференциясида Женнифер ҳамиша Мюррейнинг мухлиси бўлгани ва у билан танишишни истаганини маълум қилган. У ўзининг мухлислиги ва у билан гаплашишни исташи ҳақида актёрга мактуб ёзган ҳатто.

Эмма Стоун ва Мелл Би

Эмма Spice Girls гуруҳининг ашаддий мухлисларидан. «Ўргимчак одам-2» фильмининг премьерасида Эмма Бининг ташриф буюрмаганидан нолиган. Кейин эса Мелл Эммани хурсанд қилиш учун видеомурожаат ёзиб қолдиргани маълум бўлган. Мелл актриса бошқа ижрочини кўпроқ ёқтиргани учун унга жазо тарзида гуруҳ рэпертуаридаги қўшиқлардан бирини ижро қилишни сўраган. Шундан кейин Эмма Wаnnabe қўшиғини куйлаб беришига тўғри келган.

Энн Хэтэуэй ва Мэрайя Кэри

2015 йилда «Интерн» фильмининг премьерасида интервью бераётган Энн Мэрайяни кўриб, хурсандлигидан кўзларига ишонмаслигини айтиб бақириб юборган. Ўзини шунчалик бахтли ҳис қилганидан кейин Энн саволларга ҳам пала-партиш жавоб берган. Бориб кумири билан кўришиш тавсия қилинганда Энн қулайроқ вақт топганда боришини маълум қилган.

Билли Айлиш ва Жастин Бибер

Билли узоқ йиллардан буён Жастинга мухлислик қилган. Деворларига кумирининг  суратини осган Айлишни ота-онаси уни шунчалик ақлдан озадиган даражадаги мухлислиги сабаб шифокорга олиб бормоқчи бўлган ҳатто. 2019 йилда уларнинг иккиси ҳам учрашишга муваффақ бўлган. Жастиннинг менежери, Биллининг севимли хонандаси ва унинг рафиқаси Хейли билан бирга рақсга тушаётгани акс этган видеоси билан Twitter’да бўлишган. Учрашувдан кейин дўстлашган Бибер Биллини кичик синглиси деб ҳисоблашини, унга бирон нима керак бўлса, бир қўнғироқнинг ўзи кифоялигини таъкидлаган.

Камилла Кабелло ва Эмилия Кларк

Камилла телешоуларидан бирида Эмилия билан бирга иштирок этган. «Тахтлар ўйини»ни севиб томоша қилган Камилла кумирини кўриб менинг қироличам, деб юборган ва кетидан узр сўраб, ўзининг сериалнинг дунёдаги энг ашаддий мухлиси эканини қўшимча қилган. Дастурдан кейин Кабелло Кларк билан бирга тушган сурати билан Instagram’да бўлишган. Қизиғи шундаки, бундан бир неча йиллар аввал Эмилия Кларкнинг ўзи айнан шу шоуда «Дўстлар» сериалидаги Мэтт Леблан кумири эканини маълум қилган.