Ислом динини қабул қилган жаҳон юлдузлари (фото)

Шоу-бизнес вакиллари ва машҳурлар орасида ҳам дини ва эътиқодини ўзгартирган бу орқали ҳаётнинг маъносини топишга уринган ва кўп борадаги қарашлари ўзгарганлар ҳам йўқ эмас.

Жанет Жексон

2017 йилнинг январида фарзандли бўлган хонанда 2012 йилда 42 яшар қатарлик миллиардер Виссам Ал-Мана билан турмуш қурган. Дунёга келган фарзандини жуфтлик Исо деб атаган. Улар турмуш қурганидан буён Виссам, Жанетни ислом динини қабул қилишга ундаган. Ижодкор расман ислом динига ўтишдан олдин, аввалгидан сипороқ кийинган. Аммо Жанет Жексон фарзандли бўлганидан уч ой ўтиб миллионер эридан ажрашган.

Майк Тайсон

1991 йилда боксчи, «Американинг қора танли гўзали» мақомига лойиқ деб топилган 18 яшар Дезира Вашингтонга тегажоғлик қилишда айбланган. Жеймс Дуглас билан жангда мағлубияти сабаб ўзининг профессионал омадсизлигидан шундоқ ҳам депрессияда бўлган спортчи, қиз билан боғлиқ суд жараёнларидан кейин яна ҳам тушкунликка тушган.

6 йилга озодликдан маҳкум қилинган Тайсон, 3 йил ўтириб чиққанидан кейин ислом динини қабул қилган. «Қамоқдан чиққанимда мен ванна қабул қилишдан бошқа нарсани хоҳламаганман. Барча жирканчликни ювиб юборишни истаганман», — деган Майк.

Мария Алаликина

Россиянинг «Фабрика» гуруҳи аъзоси Мария, 2003 йилда ўзини оиласига бағишлаш учун хонандаликни ташлаган. У юрист Алексей Зуэнко билан турмуш қурганидан кейин ислом динини қабул қилган ва ҳижоб ўраган. Аммо фарзандли бўлгани Алексейнинг хиёнат қилмаслигига сабаб бўлолмаган ва Мария фарзандини ёлғиз тарбиялашига тўғри келган.

Кендра Спирс

Модель Кендра ва шаҳзода Раҳим Ага Хоннинг турмуш қуришига уларнинг дини ва маданияти ўртасидаги тафовут қаршилик қила олмаган. 2013 йилда танишганидан кейин уларнинг ҳар иккиси бир-бирига боғланиб қолган. Турмуш қурганидан кейин Кендра исломни қабул қилган ва малика Салва деб атала бошлаган. Аммо бу унинг карьерасини тўхташига сабаб бўла олмаган ва ўғли шаҳзода Ирфанга ҳомиладор бўлгунича аввалгидек фотосессияларда иштирок этган.

Баста Раймс

Машҳур хонанда ва продюсернинг ислом динини қабул қилганига анча бўлган. Аслида хонанда ўзининг эътиқодини оммага эълон қилмаган ва интервьюлардан бирида исломга ўтгани ҳақида берган маълумоти мухлислар учун кутилмаган янгилик бўлган. Тадбирлардан бирида мухбирларнинг саволига Баста, ислом дини унинг руҳий камолотга эришишига ёрдам беришини таъкидлаган.