«Спартак» собиқ футболчиси: «Остон Ўрунов аслида 4-5 ёшга катта»

Москванинг «Спартак» клуби собиқ футболчиси Сергей Юран жамоа собиқ бош директори Шамил Газизовнинг ишини муҳокама қилар экан, Остон Ўруновнинг ёши кўрсатилганидан катта эканини айтди.

— «Уфа»дан футболчи олиб келади, бир қараганда ёш, бироқ у аслида 4-5 ёшга катта эканини ҳамма билади.

— Ўрунов паспортда кўрсатилган ёшидан каттами?

— Бунақаси Ўзбекистонда... Эшитаётганларим, очиқ-ойдин кўриниб турибди, бу ҳеч кимга сир эмас, — дейди Юран «Матч ТВ» эфирида.

«Урунов вроде молодой, а он на 4-5 лет старше» 😱😱😱

Юран выкатил информационную бомбу в студии МАТЧ ПРЕМЬЕР 💣 pic.twitter.com/jTgSjM7WnO

— Матч ТВ (@MatchTV) December 14, 2020

Маълумот учун, Ўрунов 2000 йилнинг 19 декабрида туғилган. Остон «Пахтакор» тарбияланувчиси ҳисобланади. У «Навбаҳор» ва «Локомотив» клубларидан ҳам тўп сурган. Ўрунов профессионал футболдаги дебютини 2017 йилнинг сентябрида «Навбаҳор» сафида нишонлаганди. Ўша вақтда футболчи 16 ёш эди.

Ўрунов Россия чемпионати 2020/21 йилги мавсумида 8 та ўйинда майдонга тушди (бир марта асосий таркибда) ва бирорта ҳам самарали ҳаракат амалга ошира олмади.