Bugun,

  • USD 10940.05
  • RUB 182.26
  • EUR 11121.65

Ijtimoiy tarmoqlarda Toshkent shahar Mirzo Ulug‘bek tumani “Oqqo‘rg‘on” mahallasida yashovchi erkak turmush o‘rtog‘iga tan jarohati yetkazib, uni bolasining axlatini yeyishga majbur qilgani aks etgan video tarqalgan edi.

Toshkent shahar ichki ishlar boshqarmasi xabar berishicha, Mirzo Ulug‘bek tumani IIB huzuridagi tergov bo‘limi tomonidan Jinoyat kodeksining 110-moddasi 1-qismi (qiynoqqa solish) bo‘yicha jinoiy ish qo‘zg‘atilib, erkak hibsga olingan.

Bo‘limning qo‘shimcha qilishicha, 7-oktabr kuni ayolga himoya orderi berilgan. Hozirda u va uning voyaga yetmagan bolalari Og‘ir ahvolga tushib qolgan ayollarni reabilitatsiya qilish va moslashtirish markaziga vaqtincha joylashtirilgan.

Kadr: Videodan skrinshot

Kadr: Videodan skrinshot

Hibsga olingan erkak Zo‘r TV telekanalining “Bu kun” dasturiga bergan intervyusida o‘z qilmishining sabablari haqida gapirib berdi.

“Bir kuni ishdan qaytdim. Soat 21:00. Kelsam (hammomda) qizimning axlati ... Hech kim qaramagan. Ular (onasi va to‘ng‘ich qizim) telefonga qarab yotishibdi. Men qizimni, hoy, nima qilyapsanlar, deb urishib berdim.

Hammomga kirsam, u yerda qizimning axlati tualet qog‘ozi bilan qoplangan. Xonada pashsha emas, chivin bo‘ladi-ku mayda, o‘shalar uchib yuribdi. Qaramadilaringmi, soat 9 gacha poyladilaringmi, desam, siz yaxshi qilasizde, deyishdi. Keyin qizimni urishdim. U menga, ada, buni siz o‘zingiz yaxshi qilasiz-ku, bu ishlarga aralashmaymiz-ku, deydi. Aybim – ularni shunga o‘rgatib qo‘yganim.

Keyin “garshok”ni oldimda “rokovina”ga otib yubordim, kerak bo‘lsa o‘zlaring yuvlaring deb. Agar shu axlat yoqayotgan bo‘lsa, ol yelaring, dedim jahl ustida.

Oshxonada ozgina o‘zimga kelishim uchun yuvinib oldim. Qizim ungacha jilmayib, rasmlarga olib yotibdi. Keyin ichkariga kirib, yog‘och tayoqni olib, xotinimni uch-to‘rt marta urdim.

Videoni qizim joylashtirgan. U hech narsani tushunmaydi”, – dedi hibsga olingan erkak.

Rustam I. xalqni oldida to‘g‘riligini, chunki u 15 yil davomida garchi bu ishlarni ayoli qilishi kerak bo‘lsa ham, o‘z farzandlarini axlatini tozalaganini aytdi.

“Men buni avval hech kimga aytmaganman. Bu oila ichida edi. Uyga qaytib kelganimda holatni ko‘rib “portladim”. Men aybdorman. O‘zimni oqlamayman. Ammo kechqurun soat 9 da bunday ish qilish kerak emasdi”, – deydi u.

Viloyat IIB katta tergovchisi Dilmurod Xo‘janovning ta’kidlashicha, ayblanuvchi aybini qisman tan olgan va qasddan emas, balki g‘azablangan holda harakat qilgan. Tergovchining ma’lum qilishicha, guvohlar, jabrlanuvchilar, qarindoshlar va qo‘shnilar bilan suhbatlashilgandan so‘ng yakuniy qaror qabul qilinadi.

Eslatib o‘tamiz, avgust oyida ijtimoiy tarmoqlarda Samarqand shahrida eri tomonidan ayovsiz kaltaklanayotgani aks etgan ayol videosi tarqalib ketgan edi. Ma’lum bo‘lishicha, er ayolni muntazam xo‘rlagan va majburlab pampers yedirgan. Erkak turmush o‘rtog‘ini urgani tasvirlangan video internetda tarqalgach uyidan qochib ketgan. 23-avgust kuni erkak Toshkentda qo‘lga olinib, Samarqandga olib ketilgan. Keyinroq Senat mazkur ayol bilan bog‘liq vaziyatni o‘z nazoratiga olgandi.

Izoh
Asosiy yangiliklar
Mahalliy
Navoiydagi ko‘p qavatli uylarda lift muammosi: aholi lift ishlamayapti desa, mas’ullar uning to‘xtatilishiga lift ichidagi o‘g‘rilik, fohishabozlik sabab demoqda
Mahalliy
“Daryo” kundaligida 26-sentabrda sodir bo‘lgan eng muhim voqealar
Mahalliy
“Toshkent hokimligi barcha OAV vakillari bilan ishlashga tayyor va hozirjavob bo‘ladi”. Zoir Mirzayevning matbuot kotibi jurnalistlar bilan muloqot qildi