Google корпорацияси ўзининг қидирув тизими орқали 2020 йилда энг кўп сўров юборилган актёрлар, фильм ва сериаллар рўйхати билан бўлишди, деб хабар беради «Film.ru».
Жорий йилда рўйхатга Том Хенкс бошчилик қилган. Унинг ортидан Хоакин Феникс ўрин олган бўлса, кучли учликка Амитабх Баччан якун ясаган. Актрисалар орасидан Топ-10 рўйхатда Жада Пинкетт Смит ва Лиа Мишел жойлашди. Шунингдек, ўлим билан тугаган ЙТҲ ҳолатида айбдор деб топилган россиялик актёр Михаил Ефремов ҳам рўйхатга киритилган.
Google орқали энг кўп қидирилган фильмлар қаторидан «Паразитлар», «1917» ва «Қора пантера» ўрин олди. Бундан ташқари, «Эпидемия», «365 кун», «Довод», «Мулан» ва «Энола Холмс» ҳам рўйхатда бор.
Қидирув тизими версияси бўйича энг машҳур сериал номига Netflix’нинг «Йўлбарслар қироли: Қотиллик, хаос ва телбалик» сериали сазовор бўлди. Шунингдек, фойдаланувчилар «Қозғоз уй», «Кобра Кай», «Эмили Парижда», «Озарк», «Қиролича юриши» каби сериалларни ҳам кўп қидирган.
Изоҳ (0)