Google korporatsiyasi o‘zining qidiruv tizimi orqali 2020-yilda eng ko‘p so‘rov yuborilgan aktyorlar, film va seriallar ro‘yxati bilan bo‘lishdi, deb xabar beradi “Film.ru”.
Joriy yilda ro‘yxatga Tom Xenks boshchilik qilgan. Uning ortidan Xoakin Feniks o‘rin olgan bo‘lsa, kuchli uchlikka Amitabx Bachchan yakun yasagan. Aktrisalar orasidan Top-10 ro‘yxatda Jada Pinkett Smit va Lia Mishel joylashdi. Shuningdek, o‘lim bilan tugagan YTH holatida aybdor deb topilgan rossiyalik aktyor Mixail Yefremov ham ro‘yxatga kiritilgan.
Google orqali eng ko‘p qidirilgan filmlar qatoridan “Parazitlar”, “1917” va “Qora pantera” o‘rin oldi. Bundan tashqari, “Epidemiya”, “365 kun”, “Dovod”, “Mulan” va “Enola Xolms” ham ro‘yxatda bor.
Qidiruv tizimi versiyasi bo‘yicha eng mashhur serial nomiga Netflix’ning “Yo‘lbarslar qiroli: Qotillik, xaos va telbalik” seriali sazovor bo‘ldi. Shuningdek, foydalanuvchilar “Qozg‘oz uy”, “Kobra Kay”, “Emili Parijda”, “Ozark”, “Qirolicha yurishi” kabi seriallarni ham ko‘p qidirgan.
Izoh (0)