Халқ таълими вазирлиги ижтимоий тармоқларда тарқалган синф хонасида ўқитувчисининг олдида пиротехника воситасини портлатган ўқувчининг тасвири акс этган видеога изоҳ берди.
Маълум бўлишича, синфда пиротехника воситасини портлатган ўқувчи Фарғона вилояти Боғдод туманидаги 15-умумий ўрта таълим мактабининг 11-синфида таҳсил олади.
Ишчи гуруҳ томонидан мазкур ҳолат ўрганилган.
Мактабнинг она тили ва адабиёт фани ўқитувчиси биринчи навбат тўртинчи соатдан кейинги танаффус пайтида мактабнинг 11-синф ўқувчиларининг тинчлигини сақлаш мақсадида хонага кирган, ўқувчиларни тартибга чақириб, шу синф ўқувчиси Ж.Ш.га хонадаги парта стулларни тўғирлашни буюрган. Ж.Ш. ўқитувчининг танбеҳидан нотўғри хулоса чиқариб, пиротехника воситасини ёқиб юборган. Ушбу ҳолатни шу синф ўқувчилари А.Қ. ва Н.С. видеога олиб ўзининг TikTok’даги шахсий профилига жойлаган.Вазирлик бу каби ҳолатлар аянчли оқибатларга олиб келмаслиги учун ота-оналардан фарзанд тарбиясига масъулият билан қарашга чақирган.Воқеа юзасидан шу куннинг ўзидаёқ жамоатчилик ва ҳуқуқ тартибот органи ходимлари ҳамкорлигида ўрганиш ишлари олиб борилиб, ўқувчиларнинг ота-оналарига Маъмурий жавобгарлик тўғрисида кодекснинг 47-моддаси 1-қисмида назарда тутилган маъмурий ҳуқуқбузарликни содир этган деб ҳисобланиб, базавий ҳисоблашнинг 2 баравари миқдорида, яъни 446 минг сўм миқдорида жарима қўлланилган.
Ўқувчилар бир йил муддатга туман ИИБда профилактик ишлар олиб бориш учун рўйхатга олинди.
Халқ таълими вазирлиги
Аввалроқ Юнусободда 10 ёшли бола пиротехника ўйнаб, кўзини куйдириб олгани тўғрисида хабар берилганди.
Изоҳ (0)