Farg‘onada Mercedes-Benz’da olib ketilayotgan 38 mln so‘mlik pirotexnika vositalari to‘xtatib qolindi

Farg‘ona viloyati Oltiariq tumanida 1-noyabr kuni qiymati taxminan 38 million so‘m miqdoridagi pirotexnika vositalari to‘xtatib qolindi. Bu haqda YHXBB matbuot xizmati xabar berdi.

Fuqaro A.G‘. boshqaruvidagi Mercedes-Benz avtomobili to‘xtatib tekshirilganida yukxonasida 19 ta qutida 547,2 ming dona “Britanik” va “Treniya” nomli pirotexnika vositalari borligi aniqlangan.

Aniqlangan mahsulotlar xolislar ishtirokida daliliy ashyo tariqasida olinib, tergovoldi tekshiruv harakatlarini o‘tkazish uchun Oltiariq tumani IIBga topshirilgan.