Ғарб оммавий ахборот воситаларининг хабарига кўра, Кейт Уинслет Нью-Йорк марказида жойлашган икки қаватли пентхаусини сотувга қўйган, деб ёзади Glamour. Актриса ушбу хонадонни 2004 йилда сотиб олган ва ҳанузгача ойига 20 ооо долларга ижарага бераётган эди. Актриса ушбу икки қаватли пентхаусни 5,7 миллион долларга сотишни режалаштирмоқда.
280 квадрат метрли хонадоннинг ички қисми минимал скандинавия услубида бўлиб, табиий материаллар, асосан, ёғоч билан безатилган.
Биринчи қаватда каминли улкан меҳмонхона мавжуд бўлиб, у ошхона билан ёнма-ён жойлашган.
Қордек оппоқ девор, баланд шифт, мебель ва бошқа жиҳозлар уйнинг ёруғлик ва кенглигини янада оширган.
Шунингдек, ушбу қаватда учта ётоқ хона, шу жумладан, кийиниш хонаси ва учта ҳаммом ҳам жой олган.
Иккинчи қаватда эса ҳаммом билан ёнма-ён ҳолда кичик ётоқхона жойлашган.
Ҳудуднинг қолган қисмини эса улкан терраса эгаллаган бўлиб, бу ерда шаҳар марказининг бошни айлантиргулик манзарасини томоша қилиш мумкин.
Мавзуга доир:
- Голливуд актрисаси Скарлет Йоханссоннинг Нью-Йоркдаги 2 миллион долларлик пентхаусига саёҳат (фото)
- Кети Перри ва Orlando Блум Калифорниядан 14,2 млн долларлик кошона сотиб олди (фото)
- Мадоннанинг Беверли-Ҳиллздаги ҳашаматли уйига саёҳат (фото)
- «Титаник» ва «Аватар» фильмлари режиссёри Жеймс Кемероннинг 25 миллион долларлик уйига саёҳат (фото)
Изоҳ (0)